Փաշինյանը ֆեյք-կուսակցությունների նոր խմբաքանակ է ստեղծում
ՀՀ գործող իշխանությունները ողջ թափով զբաղված են նախընտրական քարոզարշավով։ Մի կողմից Փաշինյանն ու իշխանական քարոզչամեքենան փորձում են ապացուցել, որ արտահերթ խորհրդարանական ընտրությունների կարիք չեն տեսնում, մյուս կողմից՝ ակտիվորեն աշխատում են այդ ուղղությամբ։
Նախընտրական տրամաբանությամբ են գործում նաև իշխանությանը սպասարկող արևմտամետ ուժերը՝ իրենց «Եվրաքվե» նախաձեռնությամբ։ Կարծես, սպասարկու կուսակցությունների թիվը Փաշինյանի համար քիչ է։ Հատկապես, որ այդ կուսակցությունների մի մասը մտադիր է խորհրդարանական ընտրություններին մասնակցել դաշինքով։ Դրանք նախկինում ընտրություններին մասնակցել են առանձին-առանձին, փոշիացրել իրական ընդդիմադիր ձայները, ապա և ծառայել վարչախմբի նպատակներին։
Փաշինյանն այսօր թարմ ֆեյքերի կարիք ունի, որոնց հրահանգելու են մասնակցել ընտրություններին, ընդդիմադիր ու արմատական դիրքերից քննադատելու իշխանությանը, այդկերպ կրկին տարալուծելու ընդդիմադիր քվեները, շեղելու հանրությանը։ Վերջին շրջանում մի քանի այդպիսի կուսակցություններ և նախաձեռնություններ են ստեղծվել։ ՔՊ մեր աղբյուրի փոխանցմամբ, նոր կուսակցությունների ստեղծման հարցում հատկապես ակտիվ է մեկ այլ տխրահռչակ «արևմտամետ», Լևոն Շիրինյանը, որն էլ տարբեր երիտասարդների մղում է հանրային դաշտ։
Ամիսներ առաջ ստեղծված այդպիսի մի կառույց էլ «Շնորհապետական կուսակցությունն» է՝ որպես քաղաքապետ ներկայացող ոմն Գուրգեն Սիմոնյանի գլխավորությամբ։ Վերջինս իշխանական մեդիաներում հանդես էր գալիս ցնորամիտ, վարչախմբին պաշտպանող ելույթներով ու հարցազրույցներով, իսկ վերջին շրջանում կտրուկ փոխել է հռետորաբանությունը, ակտիվորեն քննադատում է իշխանությանը, միաժամանակ, բնավ ոչ զարմանալիորեն, հրավիրվում իշխանական մեդիայի տարբեր հարթակներ։
Գուրգենսիմոնյաններին ու այլոց անհրաժեշտ պահին ՔՊ-ն մտցնելու է խաղի մեջ, նախընտրական քարոզարշավին էլ պարտադրելու է փոշիացնել ընդդիմադիր ձայները։ Խորհրդարան, իհարկե, այդ ուժերը չեն անցնի, բայց և «մի լավ կտաքանան» և կտաքացնեն իրենց ձեռքերը։
Աննա Բաբայան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Ռուբլին թանկացել է․ փոխարժեքն՝ այսօր
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը