Շնորհավո՛ր տարեդարձդ, ՀԱՅՈ՛Ց ԱԶԳԱՅԻՆ ԲԱՆԱԿ․ Խաչիկ Ասրյան

20-րդ դարավերջի 90-ականների սկզբին՝ հայ ազգային - ազատագրական պայքարի թոհ ու բոհի մեջ ծնված Արցախյան հերոսամարտի ընթացքում, հայրենատեր հայ ժողովուրդը ձևավորեց և ստեղծեց անկախ ու ինքնիշխան Հայաստանի ազգային բանակը, որը ստեղծման օրվանից վահան դարձավ՝ մարտնչելով թշնամիների դեմ, պաշտպանելով Հայաստանն ու Արցախը:

Հայո՛ց Ազգային Բանակ, Դո՛ւ ես Հայոց հայրենիքի սի՛րտն ու ազգային գենի գլխավոր զարկերա՛կը, Հայ ազգի մարտունակ ոգու կենդանի վկայությո՛ւնը, հայրենի հողի պաշտպանության զե՛նքը, Հայի և Հայաստանի ո՛ւժն ու զորությո՛ւնը:

Հայո՛ց Ազգային Բանակ, Քո փորձով ու մարտունակությամբ, զավակներիդ քաջությամբ պետք է շարունակես լինել անառիկ բերդ հայոց սահմաններին:

Հայո՛ց Ազգային Բանակ, «Հայոց Արծիվներս» հպարտ ենք, որ մասնակիցն ու ուղեկիցն ենք Քո անցած ճանապարհի: Եղել ու մնալու ենք երդվյալ զինվորդ՝ միշտ Քո կողքին ( www.hayocartsivner.am )։

Խոնարհվում ենք Հայաստանի ու Արցախի պանթեոններում հանգչող բոլոր քաջերի հիշատակի առջև:

Երախտագիտության խոսք եմ ուղղում Հայոց սուրբ հողի պահապան զինվորներին և քաջարի զինվորականներին, ովքեր, հավատալով ազգի ու հայրենի տան՝ Հայաստանի վաղվա օրվան և ցուցաբերելով արժանապատիվ հայրենատիրոջ հատկություններ՝ համարձակություն, ուժ և պատիվ, անառիկ են պահում Հայոց սահմանները:

Հայո՛ց Ազգային Բանակ, թող որ յուրաքանչյուր հաղթանակդ այսուհետ լինի կատարյալ, մաղթում ենք անխոցելի ռազմավարություն, անսասան կարգապահություն, անսպառ դիմադրողականություն և անձնազոհություն։

Հայաստանի ու Հայ ազգի անվտանգության ապահովման միակ հիմնաքարը ՀԱՅՈՑ ԱԶԳԱՅԻՆ ԲԱՆԱԿՆ է և ՀԱՅԱՍՏԱՆԻ ԱԶԳԱՅԻՆ ԱՆՎՏԱՆԳՈՒԹՅԱՆ ԾԱՌԱՅՈՒԹՅՈՒՆԸ։

Շնորհավո՛ր 33-րդ տարեդարձդ, ՀԱՅՈ՛Ց ԱԶԳԱՅԻՆ ԲԱՆԱԿ:

ԱՍՏՎԱ՛Ծ միշտ պահպանի Հայաստանը (Հայ ազգը, Հայոց հայրենիքը, Հայոց պետությունը):

«Հայոց Արծիվներ. Միասնական Հայաստան» կուսակցության Նախագահ,

«Հայոց Արծիվներ» կամավորական մարտական ջոկատի Հրամանատար,

Արցախյան, Ապրիլյան, 44-օրյա պատերազմների կամավոր մասնակից,

«Մարտական Խաչ» 1-ին աստիճանի շքանշանակիր,

Գնդապետ

 

28 հունվարի 2025 թ.