Մեր բանակն անցել է բարդ, բայց հերոսական ուղի՝ դառնալով հայ ժողովրդի արժանապատվության, տոկունության և կամքի մարմնացումը․ Ավետիք Չալաբյան

Այսօր մենք նշում ենք Հայոց բանակի տոնը։ Արդի հայոց բանակը ծնունդ է առել մեր ժողովրդի համար դժվարին օրերին՝ մեր միասնական հայրենիքի ազատության և անկախության համար մղվող պայքարի բովում, հընթացս դառնալով հազարամյակների փառապանծ հայկական մարտական ավանդույթների շարունակողը։ Մեր նորաստեղծ բանակը ձևավորվեց նվիրյալների և հերոսների անսահման կամքի ու հավատքի շնորհիվ, ովքեր ոչ միայն պաշտպանեցին մեր հայրենիքը, այլև դրեցին հայկական պետության ամուր հիմքերը։ Պատահական չէ, որ թե անցյալում, և թե հիմա, մեր բանակը առավել հեղինակավոր հաստատությունն է երկրում, և մեր ողջ ժողովուրդը բանակին հատուկ վերաբերմունք ունի։

Մեր բանակն անցել է բարդ, բայց հերոսական ուղի՝ դառնալով հայ ժողովրդի արժանապատվության, տոկունության և կամքի մարմնացումը։ Թեև մենք վերջին տարնիներին ծանր կորուստներ ենք կրել, համոզված եմ, որ Հայոց բանակը տարեց տարի կվերականգնի իր ուժերը, և կշարունակի մնալ մեր հայրենիքի անվտանգության գլխավոր հիմնասյունը, իսկ մենք բոլորս էլ կդառնանք միասնական ազգ-բանակ, և մեր բանակին ամուր թիկունք ու հենարան։

Այսօր, այս նվիրական օրը, ցանկանում եմ խորհին շնորհակալությունս հայտնել մեր բանակի բոլոր նվիրյալներին, նրա բոլոր տարիների զինծառայողներին՝ սպաներին, ժամկետային և պայմանագրային զինծառայողներին, խիզախ տղամարդկանց և հերոսական կանանց՝ մեր երկրի հողն ու ջուրը, մեր ժողովրդի ազատությունը անձնվիրաբար պաշտպանելու համար։ Շնորհավորում եմ ձեր տոնը, մաղթում եմ ձեզ տոկունություն, առողջություն և բարի ծառայություն, խաղաղ երկինք, ամուր թիկունք, և անկոտրում կամք՝ պաշտպանելու այն ամենը, ինչ թանկ է բոլորիս համար։

Կեցցե Հայոց բանակը, Աստված զորավիգ նրա բոլոր մարտիկներին!