Անհետ կորածների հարազատների հետ քննարկումը թեժ է անցել
Ազգային ժողովում երեկ պետական գերատեսչությունների և անհետ կորածների հարազատների հետ քննարկումն անցել է թեժ, փոխադարձ մեղադրանքներով, ընդհուպ բանը հասել է հայհոյանքների։ Փակ քննարկումը նախաձեռնել էր ԱԺ նախագահ Ալեն Սիմոնյանը՝ ի հեճուկս 44-օրյա պատերազմի հանգամանքները հետաքննող հանձնաժողովի նախագահ Անդրանիկ Քոչարյանի ցանկության։ Սիմոնյանը, որի հարաբերությունները Քոչարյանի հետ խիստ լարված են, հասել է իր նպատակին, պաշտոնյաների ու զոհվածների հարազատների մոտ խայտառակ անել Անդրանիկ Քոչարյանին։
Ոչ Քոչարյանը, ով հայտարարում էր, թե ավարտել է զեկույցը, ոչ էլ իրավապահ մարմինների ղեկավարները չեն կարողացել պատասխանել անհետ կորած զինծառայողների հարազատների հարցերին։ Իսկ քննարկումը տևել է գրեթե 5 ժամ։ Ի դեպ, դրանց մասնակցել են նաև ԱԺ ընդդիմադիր խմբակցությունների պատգամավորներ։ «Պատիվ ունեմ» խմբակցության անդամ Տիգրան Աբրահամյանի գնահատմամբ, անհետ կորած զինծառայողների հարազատները, իրավապաշտպանները բավականին փաստարկված զեկույցներ և հարցադրումներ էին նախապատրաստել, և շատ դիտարկումների վերաբերյալ համապատասխան կառույցները կամ ասելիք չունեին կամ դրանք ակնհայտորեն չէին բավարարում թեմայի գլխավոր շահառուներին: «Առավելագույնը, ինչ արձագանքում էին տարբեր կառույցների ղեկավարները, ներկայացվող փաստերի, խնդիրների առնչության լրացուցիչ ճշտումներ անելն էր կամ նոր հանձնարարականների մասին հավաստիացումները»,- գրել է նա:
Մեր աղբյուրների փոխանցմամբ, փակ քննարկման արդյունքները, Անդրանիկ Քոչարյանի ու իրավապահ մարմինների ղեկավարների պահվածքը զեկուցել են նաև Նիկոլ Փաշինյանին, որը խիստ դժգոհ է մնացել։ ՔՊ-ն առաջիկայում պարտադրելու է Անդրանիկ Քոչարյանին հապճեպ հրապարակել զեկույցը, իսկ դրանից հետո քննարկել նրա՝ խմբակցությունում և ԱԺ պաշտպանության և անվտանգության հարցերի հանձնաժողովում մնալու նպատակահարմարությունը։
Լիլիթ Անտոնյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Ռուբլին թանկացել է․ փոխարժեքն՝ այսօր
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը