Աղազարյանը կուսակցության համագումար է անում. կասկածները խորանում են
Նիկոլ Փաշինյանի գիշերային sms-ը մերժած և անցած տարվա դեկտեմբերին «Քաղաքացիական պայմանագիր» կուսակցությունից արտաքսված Հովիկ Աղազարյանը, նրան միացած նախկին ՔՊ-ական Հակոբ Ասլանյանն այսօր «Մարիոթ Արմենիա» հյուրանոցի մեծ դահլիճում համագումար են հրավիրել, որտեղ հայտարարել են Միասնական Ազգային Սահմանադրական Կուսակցության ստեղծման մասին։
Թանկարժեք դահլիճը, զարմանալիորեն բազմամարդ է եղել, թեպետ հիմնականում հանրությանն անհայտ մարդիկ են եղել Աղազարյանի կուսակցության հիմնադրմանը։ Ոչ ընդդիմությունից, ոչ էլ, բնականաբար, իշխանությունից հյուրեր չեն եղել։
Կուսակցությունից հեռացված Աղազարյանն ու Ասլանյանը դեռևս կասկածելի համբավ ունեն, առավել ևս, որ Փաշինյանին ու նրա թիմին քննադատելիս չափազանց զգույշ են, առնվազն 44-օրյա պատերազմում իշխանության գործողությունները դավաճանություն չեն որակում։ Շատերը կարծում են, թե «ՄԱՍԿ» կուսակցության ստեղծումը իրականում իշխանությունների ձեռքի գործն է։ Այդկերպ Փաշինյանը նախ ազատվում է որոշ կուսակիցներից, որոնց ներկայությունը հաջորդ խորհրդարանում անհրաժեշտ չի համարում, մյուս կողմից էլ նորաստեղծ քաղաքական ուժը կարող է ձայներ փախցնել: Թեպետ քիչ, բայց որոշակի զանգվածի տանել իր հետևից։ Իսկ այդ ձայներն այսպես, թե այնպես իշխանությանը չէին։
Մինչ օրս ոչ Աղազարյանը, ոչ էլ Ասլանյանը չեն բացահայտել իրենց կուսակցության ֆինանսավորման աղբյուրները։ Օրեր առաջ լրագրողների դիտարկմանը, թե «Մարիոթ»-ի դահլիճը վարձակալելը թանկ հաճույք է, պատասխանել էին, որ յուրաքանչյուրն իր գրպանից 400-հազարական դրամ է դրել վարձակալության համար։ Ծախսերը, սակայն, շատ ավելին են՝ հաշվի առնելով համագումարի ընթացքը։ «Նախկին» քպականներին, ըստ ամենայնի, ֆինանսապես օգնում են, իսկ վճարողն էլ պատվիրելու է երաժշտությունը։
Մարիամ Ավալյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Ռուբլին թանկացել է․ փոխարժեքն՝ այսօր
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է