Անդրանիկ Քոչարյանին փուռը կտան
Հունվարի վերջին խորհրդարանում անհետ կորածների հարազատների և իրավապահ մարմինների հետ հանդիպումը լուրջ հետևանքներ է ունենալու, և առաջին հերթին ԱԺ Պաշտպանության և անվտանգության հարցերի հանձնաժողովի նախագահ Անդրանիկ Քոչարյանի համար։
Գործող իշխանությունները հասկանում են, որ հարցը բավական լրջացել է, կեղծ խոստումներով անհնար է լինելու ֆռռացնել զոհվածների հարազատներին, ի վերջո հարկավոր է մեկի գլխին կոտրել անգործությունը։ Այս օրերին իշխանությունը բուռն աշխատանքի իմիտացիա է անում, որ համոզի, թե ինչ-որ աշխատանքներ անհետ կորածների մասով արվում է։ Մեկ շաբաթ առաջ Հայաստանի Հանրապետության և Ադրբեջանի Հանրապետության սահմանին տեղի էր ունեցել Հայաստանի Հանրապետության գերիների, պատանդների և անհայտ կորած (գտնվելու վայրն անհայտ) անձանց հարցերով զբաղվող միջգերատեսչական հանձնաժողովի և Ադրբեջանի Հանրապետության ռազմագերիների, պատանդների և անհայտ կորած քաղաքացիների հարցերով պետական հանձնաժողովի հանդիպումը: Այդպիսի հանդիպումներ առաջիկայում էլի լինելու են, իսկ դրանց արդյունքների մասին հաղորդագրությունները տպավորություն են ստեղծելու, թե աշխատանք տարվում է։
Այդուհանդերձ, գործող իշխանությանը քավության նոխազ է հարկավոր, և այդպիսին կդառնա Անդրանիկ Քոչարյանը, որը, ըստ մեր աղբյուրների, ոչինչ չի ձեռնարկել անհետ կորածների հարցով։ Ավելին, ամեն կերպ խոչընդոտել է տեղեկությունների հավաքագրմանը։ Քոչարյանը տեղյակ է, թե իրեն ինչ է սպասվում, փորձելու է շանտաժով պահպանել իր պաշտոնը։ Բայց իշխանության վերին օղակներում նրա հարցն արդեն լուծված են համարում։
Լիլիա Հակոբյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Ռուբլին թանկացել է․ փոխարժեքն՝ այսօր
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը