Թուրքիան ակնկալում է՝ Թրամփը կկատարի Գազայի վերաբերյալ նախընտրական խոստումները․ Էրդողան
Թուրքիայի նախագահ Ռեջեփ Թայիփ Էրդողանը հայտարարել է, որ ակնկալում է, որ իր ամերիկացի գործընկեր Դոնալդ Թրամփը կկատարի Գազայի հատվածի կարգավորման վերաբերյալ իր նախընտրական խոստումները, փոխանցում է ՏԱՍՍ-ը։
«Մենք ակնկալում ենք, որ պարոն Թրամփը կկատարի ընտրություններից առաջ տված խոստումը, նա պետք է քայլեր ձեռնարկի խաղաղություն կառուցելու համար, ոչ թե նոր պատերազմ։ Գազայում իրավիճակը չափազանց զգայուն է և բարդ։ Այն, ինչ կատարվում է Գազայում, լուրջ մտահոգություններ է առաջացնում միջազգային իրավունքի և մարդու իրավունքների տեսանկյունից։ Արդար լուծում գտնելը միշտ պետք է լինի առաջին տեղում: Արդար մոտեցումը մեզ համար շատ կարևոր է Պաղեստինի ժողովրդի պաշտպանության և արդար լուծում գտնելու տեսանկյունից։ Թուրքիան միշտ պաշտպանել է Պաղեստինի իրավունքները և միջազգային ասպարեզում ուշադրություն է հրավիրել այս խնդրի վրա»,- ասիական շրջագայությունից վերադառնալուց հետո լրագրողներին ասել է Էրդողանը։
Նա նաեւ նշել է, որ ԱՄՆ-ն «տարածաշրջանի հետ կապված սխալ հաշվարկներ է անում։ Մենք չպետք է այնպիսի մոտեցում ցուցաբերենք, որն անտեսում է այս տարածաշրջանի պատմությունը, արժեքներն ու փորձը։ ԱՄՆ-ն ոչնչի չի հասնի՝ ձևացնելով, որ այստեղ տառապանք չկա։ Սիոնիստական ստերի վրա խաղալը միայն արյունահոսող վերքեր չի բերի: Սա սխալ ճանապարհ է։ Ընդունելով Նեթանյահուի խոսքերը, ում դատավարությունը դեռ շարունակվում է իր երկրում, տարածաշրջանում արյունահեղությունից բացի ոչինչ չի հանգեցնի։ Սա արդեն մեր աչքերով տեսել ենք։ Սա չի բերի երկար սպասված խաղաղությունը, ընդհակառակը, կխորացնի հակամարտությունները, ավելի շատ արյուն ու արցունք կբերի։ Իսրայելի համար ոչինչ ավելի կարևոր չէ, քան սեփական շահերը։ Նայեք պատմությանը, նրանք նույնիսկ կոնֆլիկտներ են ունեցել այն երկրների հետ, որոնք իրենց համար պետություն են ստեղծել»,- նշել է Թուրքիայի ղեկավարը։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Ռուբլին թանկացել է․ փոխարժեքն՝ այսօր
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է