Մյունխենում Փաշինյանը հանդիպել է միայն յուրային սփյուռքահայերին
Գերմանական Մյունխեն կատարած այցի վերջին օրը ՀՀ վարչապետի աշխատակազմը կարճ տեսանյութ և հաղորդագրություն էր տարածել, թե տեղի է ունեցել Նիկոլ Փաշինյանի հանդիպումը Գերմանիայի հայ համայնքի ներկայացուցիչների հետ։ Հաղորդել էին, որ հանդիպման ընթացքում վարչապետը ներկայացրել է Հայաստանի առջև ծառացած մարտահրավերները և դրանց հաղթահարման ուղղությամբ ձեռնարկվող քայլերը, անդրադարձել ՀՀ Կառավարության ներքին և արտաքին քաղաքականության առաջնահերթություններին, ինչպես նաև տարածաշրջանային խաղաղության ապահովմանն ուղղված ջանքերին։
Նիկոլ Փաշինյանը պատասխանել է ներկաների հարցերին, որոնք վերաբերել են պետական կառավարման համակարգին, բարեփոխումների գործընթացին, Հայաստան-Սփյուռք հարաբերություններին, ՀՀ Կառավարության տարբեր ոլորտներում իրականացվող ծրագրերին։
Նույնիսկ տեսանյութում է երևում, որ հանդիպման մասնակիցները սակավաթիվ են։ Պարզվում է, որ Գերմանիայում գործող քիչ թե շատ ազդեցիկ որևէ հայկական կառույց այդ հանդիպմանը հրավիրված չի եղել։ Գերմանահայոց Կենտրոնական խորհրդի նախագահ Յոնաթան Շփանգենբերկը սփյուռքի հայկական լրատվամիջոցներից մեկին՝ ՕՐԵՐ-ին հայտնել է, թե հանդիպմանը չեն մասնակցելու ոչ Հայոց թեմը, ոչ նրա 16 եկեղեցական միություններից որևէ մեկը, ոչ Գերմանահայոց Կենտրոնական Խորհուրդն ու նրա կազմակերպությունները։
Բացակայել են Հայաստանի Հիմնադրամը, Հայ Իրավաբանների Միությունը, Հայ Բժիշկների Միությունը, Հայ Մասնագետների Միությունը, Հայ Գործարարների Միությունը, Հայ Բարեգործական Ընդհանուր Միությունը և այլ կազմակերպություններ։ Օբյեկտիվորեն հարց է ծագում, թե ում հետ է հանդիպել Փաշինյանը։ Այս հարցն անգամ գերմանահայերին է մտահոգում, որոնք լուրջ ասելիք և ամոթանք ունեին տալու Փաշինյանին։
Գործող իշխանությունները Սփյուռքի գերագույն հանձնակատարի նախաձեռնությամբ, տարբեր գաղթօջախներում նոր կառույցներ են հիմնում, տեղերում հանձնակատարներ նշանակում, փոքր խմբեր ձևավորում՝ փորձելով նրանց միջոցով խլացնել սփյուռքահայերի ձայնը։ Այս անգամ էլ նույն կերպ են վարվել։
Թինա Ավետիսյան
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...
Երբ ջնջվում է... ոգին. «Փաստ»
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան