Արձագանքեցին առաջին անգամ. ինչո՞ւ է փոխվել իշխանության վարքը
44-օրյա պատերազմից հետո ՀՀ իշխանություններն առաջին անգամ միջազգային ամբիոնից բարձրացրել են Ադրբեջանում պահվող հայ ռազմագերիների հարցը։ ՀՀ ԱԳ նախարար Արարատ Միրզոյանը ՄԱԿ-ի ամբիոնից առաջին անգամ միջազգային ատյանում հրապարակային անդրադարձել է Բաքվում ընթացող դատավարությանը: Ելույթ ունենալով ՄԱԿ-ի Մարդու իրավունքների խորհրդի նիստում՝ Հայաստանի արտաքին գերատեսչության ղեկավարը հիշատակել է Ադրբեջանում պահվող պաշտոնապես հաստատված բոլոր գերիներին: «Հենց այս պահին Ադրբեջանում ընթանում են կեղծ դատավարություններ 23 հայ անձանց նկատմամբ, ովքեր կամայականորեն են ազատազրկված, ընդ որում՝ անտեսելով պատշաճ դատավարության համար անհրաժեշտ մարդու իրավունքների չափանիշները», - հայտարարել է Միրզոյանը:
Պատերազմից հետո Ադրբեջանը եռակողմ հայտարարությամբ պարտավորվել էր ազատ արձակել բոլոր ռազմագերիներին, բայց մինչ օրս մի քանի տասնյակ հայեր խոշտանգվում են Բաքվի բանտերում։ ՀՀ իշխանությունները ջուր էին առել բերաններն ու հրաժարվում էին որևէ բառ արտաբերել՝ ի պաշտպանություն ռազմագերիների։ Նեղն ընկած պահերին էլ պնդում էին, թե չեն ցանկանում խանգարել գերիների ազատման գործընթացին իրենց մեկնաբանություններով։
Արդ, ո՞րն է պատճառը, որ ՀՀ իշխանությունները փոխել են իրենց դիրքորոշումները։ Արտաքին քաղաքականության մեջ էական փոփոխություններ չեն եղել։ Ուստի, նման կերպարանափոխությունն ավելի շատ ներքաղաքական շերտեր ունի։ Խորհրդարանական ընտրությունների պատրաստվող իշխանություններին, բնականաբար, քարոզարշավի ժամանակ տհաճ հարցեր են տալու ռազմագերիների նկատմամբ իրենց վերաբերմունքի մասին։ Եվ Միրզոյանն էլ փորձում է տպավորություն ստեղծել, թե իրենց այդ մարդկանց ճակատագիրը հուզում է։
Մարինե Ասլանյան
Վեհափառ Հայրապետի աջը համբուրելու համար Զավենիչի արդարացումները չեն ընդունվել. «Իրավունք»
Ալաշկերտի դպրոցի պահակը դպրոցից կատարել է եվրոպական արտադրության դռների գողություն
Մանկավարժականի ռեկտորը ազատ արձակվեց. որոշում․ «Ժողովուրդ»
Արագածոտնի մարզում փրկարարները մորն ու նրա 3 անչափահաս երեխաներին տեղափոխել են հիվանդանոց
Փաշինյանի պլանները կաթողիկոսի մասով չեն հաջողվում. 57-ից 10-ը անբավարար են. «Ժողովուրդ»
Արամ Զավենիչի քայլն ընդունել են որպես քաղաքական թարս չափալախ ու թաղմանը չեն գնացել․ «Հրապարակ»
Փաշինյանը Կաթողիկոսին հեռացնելու ժամկետ է դրել. «Իրավունք»
Դիլիջանի «արու» համայնքապետը որոշում է փոխել, որ պարգևավճար տա. «Ժողովուրդ»
Ով է «վերբովկա» արել գեներալ Կարեն Շաքարյանին․ բացառիկ մանրամասներ. «Իրավունք»
Հրազդան գետում հայտնաբերել է երիտասարդ տղայի մարմին. այն դուրս բերելու համար ժամանել են փրկարարներ