ԱԳՆ-ն վերջապես որոշեց շարժվել
ՀՀ ԱԳՆ-ի մոտ այսօր բողոքի ակցիա է կայանալու՝ ի պաշտպանություն Բաքվում ապօրինի պահվող Ռուբեն Վարդանյանի և Արցախի ռազմաքաղաքական ղեկավարության այլ ներկայացուցիչների։ Նման մի ակցիա էլ երեկ էր կայացել, կառավարության շենքի դիմաց։
2023 թ. սեպտեմբերից հետո, երբ տասնյակ հայեր հայտնվեցին ադրբեջանական բանտում, ՀՀ գործող իշխանությունները մատը մատին չեն խփել նրանց իրավունքները պաշտպանելու համար։ Օրերս հրապարակված Ռուբեն Վարդանյանի լուսանկարները, որտեղ նա ակնհայտորեն խոշտանգված տեսք ուներ, լցրել է շատերի համբերության բաժակը, և Փաշինյանից ու նրա թիմից գործուն քայլեր են պահանջում։ ԱԳ նախարար Արարատ Միրզոյանը միայն մի քանի օր առաջ Ժնևում բարեհաճել էր հիշել ապօրինի դատավարությունների մասին։
ԱԳՆ-ն այսօր, նախքան բողոքի ակցիան արդեն հայտարարություն է հրապարակել՝ միջազգային հանրության ուշադրությունն է հրավիրել Ադրբեջանում պահվող հայերի ազատ արձակման խնդրի և «դատավարություններից» հրապարակայնացվող տեղեկությունների վրա։ «Խորը մտահոգություն են պատճառում հայազգի ռազմագերիներից, պատանդներից, այլ պահվող անձանցից 23-ի նկատմամբ «դատավարություններից» տեսաձայնագրություններ և լուսանկարներ ներառող հրապարակումները, նշյալ անձանց` ներառյալ հացադուլի մեջ գտնվող Ռուբեն Վարդանյանի փաստաբանների կողմից հրապարակայնացվող տեղեկությունները՝ կալանավորված անձանց նկատմամբ ներգործության, խոշտանգումների և նրանց առողջական վիճակի ակնհայտ վատթարացման մասին»,- ասվում է հայտարարության մեջ։
Հայաստանի կառավարությունը շարունակում է ստանալ հայազգի ռազմագերիների, պատանդների և այլ պահվող անձանց նկատմամբ արգելված միջոցների կիրառման մասին տեղեկություններ, նշել են ԱԳՆ-ից։ Հերթապահ այս հայտարարությունը, կարելի է ասել, ոչ մի պահանջ չի ներկայացնում Ադրբեջանին։ Գործող իշխանություններն ինչպես խամաճիկ կային, այնպես էլ շարունակում են մնալ։
Անի Մինասյան
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
Կապանում ունենալու ենք վիեննական վալս. Սեւակ Ավանեսյան
Կապան ֆեստի վիեննական պարահանդեսին մնաց երկու օր․ ամփոփում
74.5% անկում. Հայկական գյուղմթերքի արտահանման ճգնաժամի համակարգային պատճառները․ Տիգրան Դումիկյան
Սյունիքում իրականացված արևային էներգետիկայի ծրագիրը՝ միջազգային հետաքրքրության կենտրոնում
Վանաձորում պատարագի են մասնակցել «Համահայկական ճակատ»-ի անդամներն ու «Մեծ Հայք» քարտեզների նախաձեռնո...
Փաշինյանին և իր իշխանությանը միայն ընտրություններով հնարավոր չէ հաղթել. Արամ Պետրոսյան
Երևանում տաքսու գները՝ վերահսկողությունից դուրս. ո՞վ է պատասխանատու․ Հրայր Կամենդատյան
Փոքր բնակավայրերում դպրոցների փակման ծրագիրը բերելու է երեխաների կրթության որակի անկման. Ատոմ Մխիթար...