Դուք ունեք Մեծ Բրիտանիայի լիակատար աջակցությունը. Սթարմերն ընդունել է Զելենսկիին, ստորագրվել է 2,74 մլրդ եվրոյի պայմանագիր՝ Ուկրաինայի բանակին աջակցելու համար
Ուկրաինայի նախագահ Վլադիմիր Զելենսկին Լոնդոն կատարած այցի ընթացքում քննարկել է «անվտանգության հուսալի երաշխիքները» Մեծ Բրիտանիայի վարչապետ Քիր Սթարմերի հետ։ Այս մասին գրում է dw.com-ը:
«Մեր բանակցությունների ընթացքում մենք քննարկել ենք այսօր Ուկրաինայի և ամբողջ Եվրոպայի առջև ծառացած մարտահրավերները, գործընկերների հետ համակարգումը, կոնկրետ քայլերն Ուկրաինայի դիրքերն ամրապնդելու, պատերազմն արդար խաղաղությամբ, անվտանգության հուսալի երաշխիքներով ավարտելու ուղղությամբ»,- ընդգծել է նա։
Ուկրաինական պետության ղեկավարը հանդիպումը որակել է «կարևոր և ջերմ»։
Սթարմերն ընդունել է Զելենսկիին իր նստավայրում և վստահեցրել նրան Ուկրաինայի աջակցության հարցում։
«Դուք ունեք Մեծ Բրիտանիայի լիակատար աջակցությունը, քանի դեռ դրա պահանջը կա: Ուկրաինայի ինքնիշխանության և անվտանգության վրա հիմնված կայուն խաղաղությունը կարևոր է Ուկրաինայի, Եվրոպայի և Միացյալ Թագավորության համար», - ասել է Մեծ Բրիտանիայի վարչապետը:
Զելենսկին շնորհակալություն է հայտնել Մեծ Բրիտանիայի ժողովրդին և Սթարմերին՝ աջակցության, մարտի 2-ին թագավոր Չառլզ III-ի հետ հանդիպելու հրավերի և Լոնդոնում Ուկրաինայի հարցով գագաթնաժողովը կազմակերպելու համար։
Մեծ Բրիտանիայի ֆինանսների կանցլեր Ռեյչել Ռիվզը և Ուկրաինայի ֆինանսների նախարար Սերգեյ Մարչենկոն նույն օրը ստորագրել են 2,26 միլիարդ ֆունտ ստեռլինգի (2,74 միլիարդ եվրո) վարկային պայմանագիր՝ ուկրաինական բանակին աջակցելու համար։
Լոնդոնը դա անվանել է «ուկրաինացի ժողովրդի անսասան և մշտական աջակցության» ապացույց։ Վարկը պետք է մարվի՝ օգտագործելով առգրավված ռուսական ակտիվներից ստացված շահույթը, հաղորդում է AFP-ն:
Զելենսկու խոսքով՝ խոսքը Կիևի պաշտպանունակությունն ուժեղացնելու համար վարկի մասին է։
«Գումարը կօգտագործվի Ուկրաինայում զենքի արտադրության համար: Սա հենց այն է, ինչ արդար է. պատերազմը սկսողը պետք է վճարի»,- ասել է նա՝ նկատի ունենալով Ռուսաստանի Դաշնության սառեցված ակտիվները։
«Մենք ուրախ ենք, որ ունենք նման ռազմավարական գործընկերներ և նույն տեսլականը, թե ինչպիսին պետք է լինի վստահությունն ապագայի նկատմամբ բոլորի համար»,- եզրափակել է Ուկրաինայի նախագահը։
Մարտի 2-ին Լոնդոնում Ուկրաինայի հարցով գագաթնաժողովին, բացի Սթարմերից ու Զելենսկիից, կմասնակցեն մոտ 10 եվրոպացի առաջնորդներ։ Նրանց թվում են Գերմանիայի կանցլեր Օլաֆ Շոլցը, ՆԱՏՕ-ի գլխավոր քարտուղար Մարկ Ռյուտեն, Եվրահանձնաժողովի նախագահ Ուրսուլա ֆոն դեր Լեյենը և Եվրոպական խորհրդի նախագահ Անտոնիու Կոշտան:
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...
Քաղաքական «մարտեր առանց կանոնների». «Փաստ»
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան