Դիվանագետները ձայնազուրկ են դարձել
«Ժողովրդավարության բաստիոնում» դիվանագետները դարձել են ամենաձայնազուրկ և ճնշված խավը, իսկ ԱԳ նախարարը բոլոր դեսպաններին ու փոխնախարարներին արգելել է հարցազրույցներ տալ, ոչ միայն սեփական, այլև պաշտոնական թեզերը հրապարակել։
Մեր աղբյուրների փոխանցմամբ, արդեն տևական ժամանակ է, ինչ Արարատ Միրզոյանն անձամբ է դեսպաններին ու այլ դիվանագետների հարցազրույցների հարցը որոշում, գրեթե մշտապես արգելում է։ Հատուկենտ դեպքերում, այն էլ միջազգային որոշ ԶԼՄ-ների հաջողվում է հարցազրույցի թույլտվություն ստանալ՝ հարցերը նախապես ճշգրտելուց հետո։
Դիվանագետները բողոքել են նախարարին, նշել, որ նույնիսկ նախկինների օրոք նման կոշտ սահմանափակումներ չեն կիրառվել, իսկ լրատվության վարչությունը սովորաբար թույլատրել է հարցազրույց տալ, բայց Միրզոյանն անդրդվելի է եղել, շարունակել պնդել, որ այս փուլում դիվանագետների հարցազրույց տալը նպատակահարմար չի համարում։
ԱԳՆ-ում նաև բավական զայրացած են Աննա Հակոբյանի գրառումից, բայց որևէ բառ ասելու իրավասություն չունեն, կամ էլ պետք է նախ դիմում գրեն։ Փետրվարի 11-ին Աննա Հակոբյանը սոցցանցերում հրապարակում էր արել և հայ դիվանագետներին բնութագրել որպես «քայլող, խոսող, շնչող-արտաշնչող մի մեծ բարդույթ։ Անվստահ, միշտ շփոթված, առանց հստակ պատկերացման, հստակ տեսլականի»։ «Ահա ուրեմն մեր դիվանագիտական ուրույն լեզուն ունի մի օրինաչափություն։ Գրեթե բոլորը, անկախ ռանգից, պաշտոնից ու կարգավիճակից, հյուրընկալ երկրի մասին խոսելիս ասում են «սրանք»։ Օրինակ՝ «սրանց հետ պետք է այսպես», «սրանք սիրում են, որ…», «ուզում ենք սրանց բերենք ՀՀ», «աշխատում ենք սրանց վրա էս ուղղությամբ» և այլն։ Այսպես արտահայտվում են հավասարապես և՛ ԵՊՀ-ում կրթություն ստացած, և՛ Օքսֆորդի համալսարանում կրթություն ստացած դիվանագետները»,- գրել էր Հակոբյանը։
Օրեր անց այդ գրառումն անհետացել էր, ըստ մեր աղբյուրի, արտգործնախարարի միջնորդությամբ։ Գրառման անհետացման փաստը Միրզոյանն ԱԳՆ-ում մեծ ձեռքբերում էր ներկայացրել, թեև նրան բացատրել էին, որ «բանը բանից անցել է»։
Անի Մուսայելյան
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Ռուբլին թանկացել է․ փոխարժեքն՝ այսօր
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Լեզու կտրելու սպառնալիք հնչեցնողը, որ անցել է թմրանյութի գործով, գլխավոր դատախազի կողքին է
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը