Աշտարակում ապօրինի թմրանյութ պահելու և օգտագործելու դեպքեր են հայտնաբերվել (տեսանյութ)
Համայնքային ոստիկանության Աշտարակի բաժնի ծառայողները ստացել էին օպերատիվ տեղեկություն, որ Մուղնի 7-րդ թաղամասի բնակիչ 65-ամյա տղամարդը տանը և կից շինություններում ապօրինի պահում և օգտագործում է թմրանյութ: Հայտնում են ՆԳՆ-ից:
Փետրվարի 27-ին, ժամը 18.45-ին, 65-ամյա տղամարդը ձերբակալվեց և տեղափոխվեց Աշտարակի բաժին: Նա չժխտեց, որ տնամերձ հողամասում աճեցրել է կանեփ ու տանն ապօրինի պահում է թմրանյութ` անձամբ օգտագործելու համար:
Նախաձեռնված քրեական վարույթի շրջանակում իրականացված խուզարկությամբ նրա տան օժանդակ շինությունում` գորգի տակ հայտնաբերվեց դեղնականաչավուն զանգվածով երկու փաթեթ:
Նմանատիպ մյուս տեղեկությունը Աշտարակի համայնքային ոստիկաններն իրացրին մարտի 6-ին: Այդ օրը, ժամը 9.15-ին, Ուշի գյուղի իր տան մոտ, թմրանյութ ապօրինի պահելու և օգտագործելու կասկածանքով ձերբակալվեց և Աշտարակի համայնքային բաժին ներկայացվեց 48-ամյա մի տղամարդ: Նա ևս ընդունեց, որ տանն ունի թմրանյութ:
Քրեական վարույթի շրջանակում կատարված զննության ընթացքում տղամարդը նկուղից ներկայացրեց մոտ ութ գրամ դեղնականաչավուն զանգվածով փաթեթ: Իսկ արդեն հաջորդ օրը կատարված խուզարկությամբ նրա տանը կից օժանդակ շինությունում հայտնաբերվեց արկղ` լցված 391 գրամ կանեփանման զանգվածով:
Թմրանյութ ապօրինի պահելու և օգտագործելու մասին հաջորդ տեղեկությունն իրացնելու նպատակով Աշտարակի համայնքային ոստիկանները կրկին մեկնեցին Մուղնի: Մարտի 13-ի առավոտյան, իր փաստացի բնակության վայրում, 68-ամյա տղամարդը ձերբակալվեց և տեղափոխվեց Համայնքային ոստիկանության Աշտարակի բաժին: Նրա անձնական խուզարկությամբ հայտնաբերվեց մոտ 20 գրամ դեղնականաչավուն զանգվածով փաթեթ:
Նա հայտնել է, թե հայտնաբերվածը կանեփ է, որն ինքն է մշակել ու պատրաստել` անձամբ օգտագործեու համար:
Այս դեպքում ևս նախաձեռնվել է քրեական վարույթ, իսկ թմրամոլության դեմ ոստիկանության պայքարը շարունակվում է:
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունը չունի Եկեղեցու գործերին միջամտելու ոչ մի իրավունք. «Փաստ»
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Հանրային ակտիվության հետևանքը. «Փաստ»
Բեյջի թելերից ավելի ուշագրով գնումներ էլ են եղել
Վարդան Ջհանյան․ Հայաստանի հանքարդյունաբերության նկատմամբ միջազգային հետաքրքրությունն աճում է