Իմպիչմենտ․ ի՞նչ է սպասվում․ Էդմոն Մարուքյան (տեսանյութ)
Էդմոն Մարուքյանը յութուբյան իր ալիքում տեսանյութ է հրապարակել՝ խոսելով իմպիչմենտի և սպասվող իրադարձությունների մասին․
«Մի քանի տեղ նկատեցի, որ ակտիվ լրագրողներ, Հայաստան դաշինքի կամ Պատիվ ունեմ դաշինքի աջակիցներ իմ վերջին հարցազրույցներից մեկից կտրած և կոնտեքստից կտրված մի հատված են տարածում, որտեղ ես՝ պատասխանելով Նարեկ Գալստյանի այն հարցին, թե արդյո՞ք տեսնում եմ իրական հնարավորություն վարչապետին անվստահություն հայտնելու համար, հայտարարում եմ, որ դա իրատեսական չեմ համարում ու ավելացնում․ «Իրենք դա անում են, որպեսզի շարքից հանեն Ռոբերտ Քոչարյանի խմբակցությունը»։
Բնականաբար, պատասխանի մնացած հատվածը, որտեղ ես ներկայացնում եմ այդ պահի դրությամբ ինչ գործընթացներ են տեղի ունենում քաղաքական դաշտում և դրանից ելնելով՝ հիմնավորում եմ իմ տեսակետը, տեսանյութից բացակայում է։
Փորձեմ բացատրել, թե ինչ էական փոփոխություններ են տեղի ունեցել այդ հարցազրույցից հետո և ինչ իրավիճակ է հիմա.
Երբ «Արթուն ենք» շարժման անունից ԱԺ բոլոր պատգամավորներին ուղարկվեցին Նիկոլ Փաշինյանին խելամիտ ժամկետում (10 օրվա ընթացքում) անվստահություն հայտնելու գործընթաց (իմպիչմենտ) նախաձեռնելու առաջարկով անհատական նամակները, երկու ընդդիմադիր խմբակցությունների ներկայացուցիչները, գործընթաց ձեռնարկելու փոխարեն, սկսեցին ցեխ նետել միմյանց վրա՝ մեղադրելով մեկը մյուսին՝ թեկնածու չունենալու, ստորագրություն չտալու և Նիկոլին բերելու մեջ…
Եվ այդ ժամանակ ես հայտարարել եմ, որ խորհրդարանական ընդդիմությունը չի կարողանալու արդյունքի հասնել, քանի որ՝ նախ, իրենց մոտ չի ստացվում կողմնորոշվել թեկնածուի հարցում, հետո էլ՝ չունեն պատգամավորների անհրաժեշտ քանակը (նախաձեռնությունը սկսելու համար անհրաժեշտ է 36 ստորագրություն)։ Իսկ ինչու 36 ստորագրություն չունեն որովհետև ընդդիմադիր 2 խմբակցություններից մեկական պատգամավոր անցել են իշխանության կողմը:
Դրանից հետո Հովիկ Աղազարյանը և Հակոբ Ասլանյանը հայտարարում են, որ իմպիչմենտի գործընթաց են նախաձեռնում՝ առաջադրելով իմ թեկնածությունը։ Իսկ դա նշանակում է՝ լիովին այլ պայմաններ, որտեղ երկու ընդդիմադիր խմբակցությունների 34 ստորագրությունները դառնում են գործոն։ Կարևոր նրբերանգ՝ իմպիչմենտ նախաձեռնած պատգամավորները նաև հայտարարել են, որ չեն աջակցի երկու ընդդիմադիր խմբակցությունների կողմից առաջադրված որևէ վարչապետի թեկնածուի։
Վերոնշյալ նոր երևան եկած հանգամանքները հաշվի առնելով՝ ես տվել եմ իմ համաձայնությունը, որպեսզի պատգամավորները առաջադրեն իմ թեկնածությունը և պատրաստակամություն եմ հայտնել մտնել վարչապետին անվստահություն հայտնելու գործընթացի մեջ։
Ամփոփելով.
Այսօր կա մեկ առաջադրված թեկնածու, և եթե ընդդիմադիր խմբակցությունների պատգամավորները չմիանան ստորագրահավաքին կամ փորձեն առաջադրել թեկնածու, ում չեն միանում Հովիկ Աղազարյանն ու Հակոբ Ասլանյանը, դա կնշանակի հատուկ տապալել վարչապետին անվստահություն հայտնելու գործընթացը: Վաղը կամ մյուս օրը ընդդիմադիր խմբակցությունների հետ հանդիպումների ընթացքում այս հարցերին երես առ երես էլ կպատասխանեմ:
Այնպես որ՝ հուսով եմ այդ մեդիամանիպուլացիաները զուտ պատահական են և ստորագրահավաքին չմիանալու պատճառներ չեն փնտրվում: Եվ ուրեմն պետք է հավատարիմ մնալ արված հայտարարություններին, որ առանց նախապայմանների պատրաստ են տալ ստորագրությունները և ստորագրել ձևաթուղթը»։
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
Շատերն են անընդունելի արարքները փորձել արդարացնել «վեհ գաղափարներով», բայց... «Փաստ»
Կապան ֆեստի վիեննական պարահանդեսին մնաց երկու օր․ ամփոփում
Սյունիքում իրականացված արևային էներգետիկայի ծրագիրը՝ միջազգային հետաքրքրության կենտրոնում
Կապանում ունենալու ենք վիեննական վալս. Սեւակ Ավանեսյան
Փոքր բնակավայրերում դպրոցների փակման ծրագիրը բերելու է երեխաների կրթության որակի անկման. Ատոմ Մխիթար...
ՍԴ որոշմամբ ապօրինությունները չհաղթահարվեցին, իսկ քաղբանտարկյալների թիվը պատմական ռեկորդի մոտեցավ. Ա...
«Այս մարդիկ իրականում վարում են հակապետական և հակահայկական քաղաքականություն». «Փաստ»
Փաշինյանին և իր իշխանությանը միայն ընտրություններով հնարավոր չէ հաղթել. Արամ Պետրոսյան