«TikTok-յան էջիս Փաշինյանն էլ է հետևում, ձեր սարքած մանկապարտեզները թքած կպցրած են», «Հարցի վերաբերյալ խոսե՛ք». բանավեճ՝ քաղաքապետարանում (տեսանյութ)
Երբ մանկապարտեզները չեն կառուցվում կամ թերակատարվում են, դրա մասին միայն ես չեմ խոսում, այլ նաև TikTok-ի իմ հավատարիմ հետևորդներից, օրինակ, Նիկոլ Փաշինյանը, ով մայիսի 15-ին հանձնախումբ է ձևավորել, որպեսզի գան ուսումնասիրեն, թե այն թքած կպցրած մանկապարտեզները, ինչու են վատ սարքվում: Այս մասին Երևանի քաղաքապետարանի ավագանու նիստին ասաց «Մայր Հայաստան» խմբակցության ավագանու անդամ Մեսրոպ Մանուկյանը:
«Իմ բարձրացրած հարցին հետևողական է լինում, օրինակ, ձեր ՔՊ-ի համար երկուս Վահագն Ալեքսանյանը, ում նաև այսօր հենց հիմա հրապարակայնորեն կոչ եմ անում, որ մեղադրում ասում է ճկույթով գնում ասֆալտ եք քանդում, որ վատ որակի է, մի հատ գնացեք նախկինների շինարարություններն արեք։ Բա ՔՊ-ի ավագանիներ, ձեր գործի անունը ի՞նչ է, որ դրանք գնում, վատ են սարքում։ Բա գնացեք այդ նախկիններին բռնեք, հերն անիծեք»,- ասաց նա:
Մանուկյանը սկսեց թվարկել ընկերությունների անուններ ու ասել, որ ինքը բարձրաձայնել է, թե ինչու են վատ որակի անում ասֆալտը: Ապա ՔՊ-ի ներկայացուցիչները սկսեցին ընդհատել նրա ելույթը և բղավել «ԱԲԲ» ընկերության անունը: Մանուկյանն էլ նշեց, որ տվել է այդ անունը և կոչ արեց չխանգարել իր ելույթը:
«Եթե չգիտեք, ուրեմն ձեն մի հանեք ընդհանրապես, տեղից էլ չխանգարեք: Եթե վատ է անում, գնացեք բռնեք, ով ուզում է լինի, հերն անիծեք, ես անդրադարձել եմ, իսկ դուք չեք անդրադարձել»,- ասաց նա։
Նրա ելույթն ընդհատեց քաղաքապետ Տիգրան Ավինյանը և նշեց, թե վերջինս խոսում է ամեն ինչից, բացի թեմայից: «Մի րոպե, ես հատուկ զգուշացրեցի, չէ՞ հարցի վերաբերյալ խոսեք: Եթե հարցի վերաբերյալ բան ունեք ասելու, խնդրեմ ասեք, եթե չէ, խնդրեմ նստեք»,- ասաց նա:
Մանուկյանն էլ ասաց, որիր ելույթը հստակ հարցի վերաբերյալ է և եթե իր պատասխանը չեն կարողանում ըմբռնել, երկրորդ անգամ ավելի հանրամատչելի կբացատրի:
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան
Քաղաքական «մարտեր առանց կանոնների». «Փաստ»
Երբ ջնջվում է... ոգին. «Փաստ»