Ռուսական ռազմաբազան կարևոր բաղադրիչ է Հայաստանի անվտանգության երաշխավորման համար. Սերգեյ Լավրով (տեսանյութ)
Հայաստանի Հանրապետության և Ռուսաստանի Դաշնության արտգործնախարարներն այսօր՝ մայիսի 21-ին, Երևանում ստորագրել են երկու երկրների արտաքին գործերի նախարարությունների միջև խորհրդակցությունների պլանը, որն իրականացվում է Հայաստանի վարչապետ Նիկոլ Փաշինյանի և Ռուսաստանի նախագահ Վլադիմիր Պուտինի՝ նախորդ տարի ձեռք բերված պայմանավորվածությանը համահունչ: Այս մասին ՀՀ ԱԳՆ-ում Հայաստանի արտգործնախարար Արարատ Միրզոյանի հետ բանակցություններից հետո հրավիրված ասուլիսի ընթացքում հայտնեց Ռուսաստանի Դաշնության արտաքին գործերի նախարար Սերգեյ Լավրովը:
«Մեր բանակցությունները տեղի են ունենում նախագահ Պուտնի և վարչապետ Փաշինյանի պայմանավորվածությունների համաձայն: Նախորդ տարվա աշնանը նրանք պայմանավորվեցին վերականգնել շփումները բոլոր ուղղություններով, և ղեկավարներ այս պայմանավորվածությանը համահունչ՝ այս տարվա հունվարին Մոսկվայում և այսօր՝ մայիսի 21-ին, Երևանում տեղի են ունենում խորհրդակցություններ արտգործնախարարների, նրանց տեղակալների մակարդակով: Նախատեսված են նաև լրացուցիչ շփումներ երկու գերատեսչությունների մակարդակով, և այսօր մենք դրա մասին ստորագրեցինք խորհրդակցությունների պլանը», - նշեց Ռուսաստանի արտգործնախարարը:
Լավրովի խոսքով՝ բանակցությունների ընթացքում կողմերն անդրադարձել են բարձրագույն մակարդակով ձեռք բերված պայմանավորվածություններին՝ ներառյալ այնպիսի ուղղությունները, ինչպիսիք են առևտրատնտեսական համագործակցությունը, անվտանգության հարցերով համագործակցությունը և երկուստեք դիվանագիտական ներկայացուցչությունների ընդլայնումը, այդ թվում՝ Կապանում ռուսական հյուպատոսության բացումը:
Սերգեյ Լավրովն իր խոսքում հայ-ռուսական հարաբերությունները որակել է որպես «ռազմավարական գործընկերության հարաբերություններ»: ՌԴ արտգործնախարարն անդրադարձել է երկկողմ առևտրատնտեսական հարաբերությունների զարգացմանը, միջխորհրդարանական կապերի խորացմանը: Խոսելով անվտանգության ոլորտում համագործակցության մասին՝ Ռուսաստանի արտգործնախարարն ընդգծել է, որ Ռուսաստանը և Հայաստանը դաշնակիցներ են: Այս համատեքստում նա նշել է, որ այս տարի լրանում է Հայաստանում ռուսական ռազմաբազայի ստեղծման 30-ամյակը: Լավրովի խոսքով՝ Հայաստանում ռուսական ռազմաբազան կարևոր բաղադրիչ է Հայաստանի անվտանգության շահերի երաշխավորման համար:
Մանրամասները՝ տեսանյութում:
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Նիկոլ Փաշինյանի վարած կառավարման և Ադրբեջանին արվող զիջումների հետևանքով Հայաստանը կանգնում է անվտա...
Երբ ջնջվում է... ոգին. «Փաստ»
Փաշինյանն ի զորու չէ ոչնչացնելու եկեղեցին և մեր հավատն առ Աստված. Ավետիք Չալաբյան
ԶՊՄԿ ՓԲԸ գլխավոր տնօրեն Ռոման Խուդոլին շնորհավորել է «Լիդիան Արմենիա» ընկերությանը արտադրության մեկն...