Գյումրիում բնակարանային գողություններ արած տղամարդը կալանավորվել է (տեսանյութ)
Քրեական ոստիկանության Շիրակի մարզային վարչության ծառայողները ստացել էին բնակարանային գողության վերաբերյալ օպերատիվ տեղեկություն, և մայիսի 21-ին վարչություն հրավիրել ենթադրյալ տուժածին: Գյումրիի Երևանյան խճուղու բնակիչն ընդունել է, որ մոտ երկու ամիս առաջ օգտվել են իր տան դուռը բաց լինելու և իր բացակայության հանգամանքից, մտել բնակարան ու գողացել են մեկ բնանկար և մեկ դիմաքանդակ:
Հետագա միջոցառումներով պարզվել է, սակայն, որ սա նույն անձի, նույն վայրից, նույն նպաստավոր պայմաններում կատարված միակ գողությունը չէ: Տանտիրոջ բացակայությամբ և բաց դռնով Գյումրու 50-ամյա բնակիչը մտել ու գողացել էր ևս մեկ նկար, նաև հագուստ ու այլ կենցաղային իրեր:
Ու սա էլ դեռ բոլորը չէր: Մեկ ուրիշ անգամ էլ, նույն հանգամանքներում, տղամարդը գողացել էր կենցաղային իրեր ու տանտիրոջ փաստաթղթերը:
Շիրակի մարզային քննչական վարչությունում նախաձեռնված քրեական վարույթի շրջանակում խուզարկություն է կատարվել 50-ամյա տղամարդու տանը: Դիմաքանդակը, բնանկարները, տուժածի փաստաթղթերն ու գողացված որոշ կենցաղային իրեր հայտնաբերվել են:
50-ամյա գյումրեցին կալանավորվել ու տեղափոխվել է քրեակատարողական հիմնարկ։
Հանգամանքները նախաքննությամբ պարզվում են:
Ավարտվեց վեց ու կես տարի տևած քաղաքական հետապնդման այս փուլը. Դավիթ Սանասարյան
Մոսկվա-Երևան չվերթով Հայաստան է տեղափոխվել 2012 թվականից հետախուզվող
Ավտովթար Շիրակի մարզում. վարորդի մայրը մահացել է, կինը հիվանդանոցում է
Պապիկյանը հեռացել է ԱԺ-ից, ՔՊ պատգամավորները հանդիպում են պահանջել Հայկ Սարգսյանի հետ. սկանդալային ն...
Երևան-Վանաձոր ավտոճանապարհին բախվել են Volkswagen-ն ու Opel Zafira-ն. կա 1 զոհ, 12 վիրավոր
Կինը սպանել է իր 6-ամյա երեխային՝ կարծելով, թե «հանում է նրա միջի դևերին»
Ռուբլին թանկացել է․ փոխարժեքն՝ այսօր
Նորատուսում գայլերը հոշոտել են բազմազավակ ընտանիքին պատկանող 70-ից ավելի ոչխար և գառ
Նիկոլ Փաշինյանը հայհոյել է հոգևորականին (լուսանկար)
5.9 մագնիտուդ ուժգնությամբ երկրաշարժ է տեղի ունեցել