Կոնվերս Բանկ. Tabadul-ին միացած բորսայական առևտրով զբաղվող առաջին կազմակերպությունը ՀՀ-ում
Հարյուրավոր պատվիրակներ ասիական, եվրոպական, մերձավորարևելյան երկրներից, քննարկումներ ու բիզնես հանդիպումներ… Այսօր Երևանում կայացել է ConFEAS 2025-ը՝ Եվրո-Ասիական Կապիտալի Շուկաների Միության համաժողովը: Միջոցառմանը Կոնվերս Բանկը մասնակցում էր որպես Ոսկե հովանավոր:
Համաժողովի պաշտոնական մասը սկսվեց զանգով. ազդարարվեց Կոնվերս Բանկի և Հայաստանի ֆոնդային բորսայի անդամակցությունը Աբու Դաբիի բորսայի Tabadul հարթակին: Tabadul-ը բորսայական թվային հաբ է՝ հիմնված շուկայի փոխադարձ հասանելիության մոդելի վրա: Նպատակը մասնակիցների համագործակցության մակարդակի բարձրացումն է և մասնակցող շուկաներում իրացվելիության մեծացումը:
Կոնվերս Բանկի ներդրումային դեպարտամենտի տնօրեն Գրիգորի Զաքարյանը շնորհավորել է մասնակիցներին Հայաստանի կապիտալի շուկայի համար նման նշանակալից իրադարձության կապակցությամբ և նշել. «Մեր՝ ամիսների աշխատանքը հասավ տրամաբանական ավարտին. Հայաստանի ֆոնդային բորսան և Կոնվերս Բանկը՝ որպես առևտրային կազմակերպություն, միացան բորսայական առևտրի լայն հնարավորություններ ընձեռող Tabadul հարթակին: Միաժամանակ մենք գրանցեցինք առաջին գործարքը հենց Աբուդաբիի բորսայում: Հուսով եմ՝ նման գործարքները շարունակական կլինեն՝ մի կողմից հայ ներդրողներին ապահովելով հասանելիության արտասահմանյան շուկաներում, մյուս կողմից արտասահմանյան ներդրողների համար ստեղծելով ներդրումային հնարավորություններ Հայաստանի կապիտալի շուկայում»:
Գրիգորի Զաքարյանը մասնակցել է նաև «Tabadul. Նոր տարածաշրջանային առևտրային համագործակցություն» պանելային քննարկմանը:
«Tabadul-ին միանալը եղել է Կոնվերս Բանկի ռազմավարական որոշումը: այս պահին մենք Հայաստանում միակ բորսայական առևտուր կատարող կազմակերպությունն ենք, որը միացել է այս հարթակին: Մենք պատրաստակամ ենք մեր գիտելիքով և փորձառությամբ աջակցել ցանկացած հայ ներդրողի, ով կցանկանա հասանելիություն ստանալ հարթակի մասնակից շուկաներին»,- ասել է նա և հավելել, որ խոսքը մեկ տրիլիոն դոլարից ավելի կապիտալիզացիայի մակարդակ ունեցող և արագ զարգացող հարթակի մասին է:
ConFEAS 2025-ի մասին մանրամասն՝ տեսանյութում
Կոնվերս Բանկը վերսհսկվում է ՀՀ ԿԲ կողմից:
Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույ...
ԶՊՄԿ-ում աշխատելը՝ կայունության, զարգացման և նոր հնարավորությունների մասին
Արցախցիների պահանջը՝ իրենց տներ վերադառնալու, ոչ մի կերպ առիթ չի կարող դառնալ պատերազմ հրահրելու. Ան...
Արցախի թեման մնացել է խոսքերի մակարդակում․ ինստիտուտներ չկան, պատասխանատուներ՝ նույնպես. Էդմոն Մարու...
Մանկություն, որ սովորեցնում է մտածել. Մոնտեսսորիի զարգացումը Converse Leasing-ի աջակցությամբ (տեսանյ...
Իշխանության համար պայքարը պետք է հանել օրակարգից․ միակ հարցը՝ Հայաստանը չտանել դեպի Արևմուտք․ Մհեր Ա...
ԶՊՄԿ-ի տնտեսական ազդեցությունը․ ինչպես է խոշոր արդյունաբերական ընկերությունը ձևավորում նոր հնարավորո...
Արցախի հարցը չսպիացող վերք է. սոցիալական նպաստները չեն կարող փակել պատմական ու իրավական բաց վերքը. «...
«Օրրան»-ի սաները նոր ուսումնական տարին սկսեցին «Մի դրամի ուժը» նախաձեռնության աջակցությամբ
Նորածնին պոլիկլինիկայում կարելի է գրանցել առցանց․ ԱՆ-ն մանրամասներ է ներկայացրել