ftNFT ֆիջիթալ սփեյսում տեղի է ունեցել «AKNEYE կտավների» ցուցադրությունը
Ս․ թ․ մայիսի 31-ին ftNFT ֆիջիթալ սփեյսում տեղի է ունեցել «AKNEYE կտավների» ցուցադրությունը:
AKNEYE-ը ներկաներին ծանոթացրել է նախագծի նոր կոնցեպտին: Ցուցադրվել են 4 փորձառու AKNEYE արվեստագետների աշխատանքներ՝ ստեղծված դասական նկարչական տեխնիկայի և ժամանակակից թվային մոտեցումների համադրմամբ։
Սրահում ներկայացվել են Նարեկ Գյուլումյանի, Անահիտ Մարգարյանի, Էդմոն Հարիկյանի և Ռաֆայել Ներսեսյանի արվեստի գործերը՝ յուրաքանչյուրն իր ուրույն ոճով և հայեցակետով: Արտիստներից Անահիտ Մարգարյանը խոսել է մտահաղացման և դրա իրագործման մասին. «Շատ երջանիկ եմ, որ ընդգրկվել եմ AKNEYE-ի այս նոր կոնցեպտում: Կոնցեպտն իրենից ենթադրում է նոր կրեատիվ լուծումներ ու արտիստին տեղ է տալիս ավելի շատ ստեղծագործելու, տարածվելու Ակնի սահմաններից դուրս»:
Անդրադառնալով AKNEYE-ի գործունեությանը՝ նախագծի ղեկավար Հենրիկ Սարգսյանը նշել է. «Akneye-ը չի դադարում ստեղծագործել և չի դադարում զարմացնել: Սա մի նոր, հետաքրքիր հավաքածու է, որն առաջին անգամ հայաստանյան հանրությանն ենք ներկայացնում: Հպարտորեն կարող ենք ասել, որ այս տարիների ընթացքում բրենդին միացել են 130 արտիստներ 30-ից ավել երկրներից. սա մեծ հաջողություն է, որովհետև ի սկզբանե մենք ցանկանում էինք ստեղծել կամուրջներ արտիստների միջև, և այդ կամուրջներն արդեն ստեղծված են»:
Միջոցառումը համախմբել էր արվեստասեր հասարակությանը, ստեղծագործական համայնքի ներկայացուցիչներին և թվային մշակույթով հետաքրքրվածներին։
Միջոցառմանը ներկա ՀՀ ԿԳՄՍ նախարարի տեղակալ Դանիել Դանիելյանը պատմել է իր տպավորությունների մասին. «AKNEYE ծրագրին, ինչպես գիտեք, ծնված օրվանից հետևում եմ. շատ ծրագրեր են իրականացրել, միասին աշխատել ենք: Միշտ հրճված եմ եղել և միշտ հավատացել եմ այդ ծրագրին, քանի որ վստահ եմ եղել, որ սա մեծ հաջողությունների է հասնելու, և սա, ինձ թվում է, առաջին փոքրիկ էտապներն են․ մեծ ճանապարհ ունի անցնելու AKNEYE-ը»:
Ցուցադրության հիմնական ուղերձը հետևյալն էր՝ արվեստը սահմաններ չունի: «AKNEYE կտավներ» հավաքածուի ստեղծմամբ AKNEYE-ը բացել է ժամանակակից արվեստի նոր էջ՝ խթանելով համագործակցությունն արվեստագետների, տեխնոլոգիական միջավայրի և համայնքի միջև։ Մեկ ամիս շարունակ այցելուները հնարավորություն ունեն ծանոթանալու ցուցադրված նմուշներին Երևանի ftNFT ֆիջիթալ սփեյսում:
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը