Տնից՝ հյուրատուն. ինչպես գաղափարը դարձավ բիզնես
Մասնագիտությամբ մանկավարժ Աստղիկ Ղազարյանը չորս տարի առաջ իր հարազատ Մարմարիկ գյուղում հիմնել է «Մանանա» հյուրատունը, որտեղ այցելում են գյուղական պարզությունն ու ջերմությունը գնահատողները։ Այստեղ հյուրերը ջերմ հանգստից բացի կարող են ծանոթանալ նաև հին հայկական արհեստներին՝ գորգագործություն, թաղիքագործություն ու տիկնիկագործություն, ինչպես նաև մասնակցել քայլարշավերի ու համտեսել տնական բազմատեսակ ուտեստներ։
«Մանանա» հյուրատունն Ակբա Ֆեդերացիայի և Գերմանիայի բնության պահպանության միության՝ NABU-ի «Գյուղական տուրիզմի զարգացման» ծրագրի շահառուներից է: Աստղիկը ծրագրի շնորհիվ լուծել է հյուրատան պտղատու այգիների ոռոգման խնդիրները։
«Ամռան երեք ամիսներին մեր տանը շատ հյուրեր էինք ընդունում, ովքեր ասում էին, որ գերազանց պայմաններ են ու սիրով երկար կմնան մեզ մոտ։ Այդ ժամանակ գաղափար առաջացավ մեր տունը հյուրատուն դարձնել: Անընդհատ հետևում եմ նորություններին ու այդպես տեղեկացա, որ Ակբա Ֆեդերացիան ու NABU-ն հյուրատների համար հայտարարել են դրամաշնորհային մրցույթ, որը կոչվում էր «Կանաչ հյուրատուն»: Լրացրեցի հայտը, եկան ուսումնասիրության ու պարզվեց, որ Հայաստանում 5 հաղթողներից մեկը հենց մեր հյուրատունն է։ Մենք մտածում էինք, որ անձրևաջուրը կարող է դառնալ ոռոգման աղբյուր, որով կոռոգենք այգին։ Ծրագրի շնորհիվ հիմա ունենք 2 տոննա տարողությամբ բաք, որտեղ հավաքվում է մեր տանիքի անձրևաջուրն ու ավտոմատ ջրում այգին»,- նշել է «Մանանա» հյուրատան հիմնադիր Աստղիկ Ղազարյանը։
Աստղիկը հյուրատունը զարգացնելու շատ նախագծեր ունի, որոնցով ապագայում իր գյուղը նաև ավելի ճանաչելի կդարձնի:
«Մանանա» հյուրատան հասցեն է՝ Ծաղկաձոր համայնք, գյուղ Մարմարիկ,
հեռ.՝ 093241340։
Ակբա Ֆեդերացիան Ակբա բանկի միակ նշանակալից մասնակիցն է, բանկի բաժնետոմսերում ունի ավելի քան 75 տոկոս մասնաբաժին: Ակբա բանկում ունեցած մասնակցության շնորհիվ Ակբա Ֆեդերացիան նպաստում է Հայաստանի ողջ տարածքում գյուղատնտեսության, գյուղական շրջաններում փոքր և միջին բիզնեսի զարգացմանը, համայնքների զարգացմանը, համայնքներում բիզնես միջավայրի աշխուժացմանն ու զարգացմանը, նշված ոլորտներում ձեռնարկատիրական գործունեություն իրականացնող յուրաքանչյուր անձի բարեկեցության աճին:
Մանրամասն՝ տեսանյութում։
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Դոլարն էժանացել է, ռուբլին՝ թանկացել․ փոխարժեքն՝ այսօր