«Մանթաշյանց» գործարարների ակումբը բիզնեսի շահերը պաշտպանող օրենսդրական փոփոխություններ է առաջարկել
«Մանթաշյանց» գործարարների ակումբը, LSA փաստաբանական ընկերության հետ համատեղ, գործարարների իրավունքները պաշտպանող օրենսդրական մի շարք փոփոխությունների և առաջարկների փաթեթ է մշակել, որը մամուլի ասուլիսի ընթացքում նախօրեին ներկայացվել է լայն հանրությանը։
Նախաձեռնության գլխավոր նպատակն է՝ ապահովել գործարարների իրավունքների պաշտպանությունը, ՊԵԿ-ի և ՔԿ-ի հետ հարաբերություններում բացառել անհիմն կալանավորումն ու ունեցվածքի առգրավումը՝ որպես ճնշման միջոց և սահմանել արդար ու կանխատեսելի մեխանիզմներ հարկային ու տնտեսական վեճերի կարգավորման համար։
Օրենսդրական նախագիծը մշակվել է LSA փաստաբանական ընկերության կողմից՝ «Մանթաշյանց» ակումբի նախագահ Վահրամ Միրաքյանի նախաձեռնությամբ։ Այն բաղկացած է երեք հիմնական մասից։ Առաջին փոփոխությունը վերաբերում է ՀՀ Քրեական օրենսգրքի 290-րդ հոդվածին, որտեղ սահմանված է հարկեր, տուրքեր կամ այլ պարտադիր վճարներ չվճարելու հանցակազմը։ Նախագիծը նախատեսում է վերանայել չվճարված հարկերի չափաբաժնի շեմերը՝ միաժամանակ պահպանելով խրախուսական նորմը։
Երկրորդ կետով առաջարկվում է, որ տնտեսական բնույթի հանցագործությունների դեպքում գործարարի նկատմամբ կալանքը կիրառվի որպես խափանման միջոց միայն ծայրահեղ իրավիճակներում։
Օրենսդրական նախաձեռնության երրորդ կետը վերաբերում է քրեական վարույթի շրջանակներում գործարարների գույքի անհիմն առգրավմանը, ինչը լուրջ վնասներ է հասցնում ընկերությունների բնականոն գործունեությանը։
Մանրամասները՝ տեսանյութում.
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Դոլարն էժանացել է, ռուբլին՝ թանկացել․ փոխարժեքն՝ այսօր