Գլխավոր Լրահոս Վիդեո Կիսվել
Դպրոցում պետք է լինի առանձին դասաժամ, որը կկոչվի «Պատասխանատվություն»․ Մհեր Ավետիսյան Օ դրամ գույքահարկ․ Հրայր Կամենդատյան Ինչո՞ւ այս անգամ որոշեց վերցնել պատգամավորական մանդատը․ Հարցեր, որոնց պատասխանները երբեք չեք լսի խորհրդարանի դահլիճում «Ուժեղ Հայաստան» կուսակցությունն այս շաբաթ հանդես է եկել ալիևիևյան սահմանադրության դեմ Էս եվրոպացիներին մեկը չկա՞ ասի` ՀՀ Սահմանադրությանը հանգիստ թողեք ու գնացեք ձեր երկրի ներքին խնդիրներով զբաղվեք․ Աննա Ղուկասյան Ամփոփելու ենք անցած տարիների մասշտաբային աշխատանքները, շարժվելու ենք առաջ նոր ու խոստումնալից ծրագրերով. Էդուարդ Բաբայան (տեսանյութ) Աշխարհաքաղաքական հսկաների Շենժենի բենեֆիսն ու անկայուն աշխարհակարգի խորհրդանշական արտացոլումը. «Փաստ» Ո՞ւմ է բաժին հասնելու առաջին և ամենաուղիղ հարվածը. «Փաստ» «Գուցե իր հույսն արտահերթ ընտրոււթյունների իմաստով հանկարծակիությունն է, որ ընդդիմությունը չկարողանա համախմբվել». «Փաստ» Կոնկրետ քայլերն ու գործողությունները միայն կարող են որևէ բան «ասել». վստահության բացակայությունն ու «հեղափոխության սինդրոմը». «Փաստ» Կկուն կանչե՞ց. որտեղի՞ց են գալիս Փաշինյանի նյարդայնության գրգիռները. «Փաստ» Ուսուցիչների որքա՞ն թափուր հաստիք կա դպրոցներում. «Փաստ»
Դպրոցում պետք է լինի առանձին դասաժամ, որը կկոչվի «Պատասխանատվություն»․ Մհեր Ավետիսյան Օ դրամ գույքահարկ․ Հրայր Կամենդատյան Ինչո՞ւ այս անգամ որոշեց վերցնել պատգամավորական մանդատը․ Հարցեր, որոնց պատասխանները երբեք չեք լսի խորհրդարանի դահլիճում«Ուժեղ Հայաստան» կուսակցությունն այս շաբաթ հանդես է եկել ալիևիևյան սահմանադրության դեմԷս եվրոպացիներին մեկը չկա՞ ասի` ՀՀ Սահմանադրությանը հանգիստ թողեք ու գնացեք ձեր երկրի ներքին խնդիրներով զբաղվեք․ Աննա ՂուկասյանԱմփոփելու ենք անցած տարիների մասշտաբային աշխատանքները, շարժվելու ենք առաջ նոր ու խոստումնալից ծրագրերով. Էդուարդ Բաբայան (տեսանյութ) Իրանը ցուցադրել է ստորգետնյա «հրթիռների քաղաք»Հայաստանը կընդունի բասկետբոլի կանանց Մ16 տարեկանների Եվրոպայի առաջնությունըՄայր Աթոռում կատարվել է 9 սարկավագների ընծայման կարգըԱՄՆ-ին սնանկացում է սպառնում, եթե չլուծվի պետական պարտքի վերին շեմի հարցը40 մարդ հոսպիտալացվել է անհայտ նյութի արտահոսքի պատճառով․ ՍլովակիաԻնչպե՞ս Հայաստանում ծնված երեխայի համար ստանալ ԱՄՆ քաղաքացիությունը հաստատող փաստաթուղթ, եթե ծնողներից մեկը ԱՄՆ քաղաքացի է«Jeep»-ը հետիոտնային անցման վրա վրաերթի է ենթարկել հետիոտնինԻրավիճակը` ավտոճանապարհներին` 22:00-ի դրությամբԻրանի ՀՕՊ-ը ամերիկյան F-16 կործանիչ է խոցելԿիրակնօրյա Սուրբ պատարագներ՝ Արագածոտնի թեմումՄի շարք տարածաշրջաններում անձրև է տեղում․ միջպետական նշանակության բոլոր ավտոճանապարհները բաց ենԵս տեղափոխվում եմ Հայաստան. Դենիս Ջորկաեֆը առաջադրվել է որպես ՀՖՖ նախագահի թեկնածուԼևոն Աբրահամյանն ընտրվել է Հայաստանի նկարիչների միության նախագահՁախ ոտքից են վեր կացել. Զախարովայի կոշտ արձագանքը Եվրոպային
Տեսանյութեր

Ես չէի բացառի, որ սա քաղաքական սպանություն է. Չալաբյան

Մի քիչ վաղ է լիակատար որակում տալը, բայց մեր զգացողությունն այն է, որ սա ահաբեկչական գործողություն է, ոչ թե պարզապես սպանություն։ Այս մասին, այսօր՝ սեպտեմբերի 24–ին, Մերձավանում լրագրողների հետ զրույցում նշեց «Հայաքվե» ազգային–քաղաքացիական միավորման համակարգող Ավետիք Չալաբյանը՝ անդրադառնալով Փարաքարի համայնքապետ Վալոդյա Գրիգորյանի սպանությանը։

«Այն ձեւով, որ տեղի է ունեցել, այսինքն դիմակավորված անձիք, ինքնաձիգերով զինված, կազմակերպված, պատրաստված, հաստատ տեղեկացված, թե ինչ են իրենք անում, սառնասիրտ դաժանությամբ, վերահսկող կրակոցով, որով սպանվել է Վալոդյա Գրիգորյանը, ակնհայտ է, որ սա կազմակերպված գործողություն է, որը հետևը ունի շատ լուրջ հովանավորներ, որոնք իրենց անպատժելիության մեջ են համոզված։

Թեև կարծում եմ, որ ոչ մեկ էլ անպատժելի չի լինելու, և այս հանցագործությունը կբացահայտվի վաղ թե ուշ, և կբացահայտվեն և նրանց հովանավորները, և հովանավորների հովանավորները, թե ովքեր են այս ամեն ինչը դրդել։

Ցավով պետք է ասեմ, որ սա այս քիմերային կեղծ չորրորդ հանրապետության առաջին զոհն էր, մեր ընկեր Վալոդյա Գրիգորյանը։ Առավոտվանից ես անկեղծ ասած իմ տեղը չեմ գտնում, երիտասարդ մարդ, չորս զավակների հայր, հարգված, վաստակած, իր համայնքում սիրված, մարդ, որը ընդհանրապես թշնամիներ էլ չուներ, և որը զոհը գնած ատելության մթնոլորտին, այն ատելության քարոզին, որին մենք ականատես ենք լինում մեր երկրում»,–ասաց նա։

Հարցին՝ սա քաղաքակա՞ն սպանություն է համարում, Չալաբյանը պատասխանեց. «Ես չեմ ուզում պնդում կատարեմ, բայց ես բոլորովին չէի բացառի, որ այո, սա քաղաքական սպանություն է։ Ի վերջո, հիշեք Վալոդյա Գրիգորյանը ընտրված համայնքապետ է, հանրային և քաղաքական գործիչ է, Ապրելու երկիր կուսակցության անդամ է և այն ձևով, որով սա տեղի է ունենում, սա պատահական չի, մեքենան չի խփել կամ ասենք ինչ-որ մեկը պատահական չի դանակահարել։

Այո, հենց իշխանությունը պետք է կանխեր այսպիսի հանցագործությունները։ Անհասկանալի է, թե ինչպես են մարդիկ ինքնաձիգներով ման գալիս, դիմակներով քայլում քաղաքի փողոցներով, ինքնաձիգներով։ Այստեղ սաղ շրջակայքում տարբեր տեսակ վիդեոխցիկներ են, ինչպե՞ս է, որ ոչ մի վիդեոխցիկ չի ֆիքսել այդ մարդկանց մոտենալը, ինչպե՞ս է, որ ոստիկանությունը չի արձագանքել այդ ամեն ինչին, ինչպե՞ս է, որ ոստիկանության որևէ պարեկախումբ չի մոտեցել այստեղ։ Ամբողջ քաղաքով մեկ ոստիկանություն է վխտում, բայց այն ժամանակ, երբ որ իրենք այստեղ պետք է լինեին, կանխելու այսպիսի հանցագործությունը... Պետք է հաշվի առնել այդ մարդիկ այստեղ թաքնված, երկար ժամանակ սպասել են, մինչև դուրս են եկել զոհերը և նրանց սառնասրտորեն գնդակահարել են։ Ինչպե՞ս է, որ դա ոչ ոք չի տեսել։ Դա էլ է շատ հարցեր առաջացնում։ Այո, մեր զգացողությունը հենց այն է, որ սա հենց քաղաքական ահաբեկչություն է՝ քաղաքական նպատակներով իրականացված։ Բայց սպասենք մինչև քննությունը ամեն ինչ կբացահայտի»։

Ավելի վաղ NEWS.am–ը հայտնել էր, որ սեպտեմբերի 23-ին՝ ժամը 23.52-ին, ՆԳՆ ոստիկանություն ահազանգ է ստացվել, որ Արմավիրի մարզի Մերձավան բնակավայրի Երևանյան խճուղում կրակոցներ են հնչել, կա 2 զոհ, 1 վիրավոր։ Մահացածներից մեկը համայնքի ղեկավար Վալոդյա Գրիգորյանն է։

Սպանված երկրորդ անձը ոստիկան է՝ ՆԳՆ ոստիկանության Արարատի քրեական ոստիկանության աշխատակից Կարեն Աբրահամյանը։  Վերջինս սպանության պահին ծառայության մեջ չի եղել․ նա Վոլոդյա Գրիգորյանի ընկերն է։

Դեպքը տեղի է ունեցել Վոլոդյա Գրիգորյանի հենց տան դիմաց։ Կրակոցների հետևանքով ևս մեկ անձ վիրավորվել է՝ Արծրուն Գալստյանը։

Սպանության վայրում տեսախցիկներ կան, որոնք, Սարգսյանի խոսքով, առգրավվել են։

Դեպքի առթիվ Արմավիրի մարզային քննչական վարչության Վաղարշապատի քննչական բաժնում ՀՀ քրեական օրենսգրքի 155-րդ հոդվածի 1-ին մասի (2 դրվագ) (սպանություն), 44-155-րդ հոդվածի 1-ին մասի (սպանության փորձ) և 335-րդ հոդվածի 1-ին մասի (հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառությունը) հատկանիշներով նախաձեռնվել է քրեական վարույթ։ Նախաքննության ընթացքում նշանակվել են դատաբժշկական փորձաքննություններ: Կատարվում են ապացուցողական և վարութային գործողություններ:

Հիշեցնենք, որ այս տարվա մարտի 30-ին Գրիգորյանը Փարաքարում որպես տեղական ինքնակառավարման մարմինների ընտրություններում ընդդիմադիր թեկնածու, ջախջախիչ հաղթանակ տարավ իշխող «Քաղաքացիական պայմանագիր» կուսակցության նկատմամբ։