Կատարը կրկնապատկելու է արևային էներգիայի արտադրությունը

Պետական էներգետիկ QatarEnergy ընկերությունը պայմանագիր է կնքել Samsung C&T-ի ճարտարապետա-շինարարական ստորաբաժանման հետ՝ համաշխարհային մասշտաբի նոր արևային էլեկտրակայան կառուցելու համար։ Նախագիծը կիրականացվի Դուխան քաղաքում, որը գտնվում է երկրի մայրաքաղաք Դոհայից մոտ 80 կմ արևմուտք։

Դուխանի արևային էլեկտրակայանի ընդհանուր հզորությունը մինչև 2029 թ․ կեսերը կհասնի 2000 ՄՎտ-ի, ինչը կրկնապատկելու է Կատարի ներկայիս արտադրական ցուցանիշները արևային էներգետիկայի ոլորտում։ Նախագիծը համարվում է ազգային ռազմավարության առանցքային մաս և զգալի ներդրում է կատարում երկրի վերականգնվող էներգիայի նպատակներին հասնելու գործում։

Պայմանագրի ստորագրման հանդիսավոր արարողությունը կայացավ QatarEnergy-ի գլխավոր գրասենյակում։ Միջոցառմանը մասնակցեցին պետնախարար, QatarEnergy-ի գլխավոր տնօրեն Սաադ Շերիդա Ալ-Քաաբին, ինչպես նաև Samsung C&T-ի նախագահ և գլխավոր տնօրեն Սե Չուլ Օ։ Ներկա էին նաև էլեկտրաէներգետիկ ընկերություն Kahramaa-ի ղեկավար Աբդուլա բին Ալի Ալ-Թեյյաբը և այլ բարձրաստիճան պաշտոնյաներ։

«Այս պայմանագիրը կարևոր հանգրվան է մեր ջանքերում՝ ուղղված բնապահպանական կառավարմանը, որը նպատակ ունի ապահովելու տնտեսական և սոցիալական զարգացման ու բնության պահպանության միջև հավասարակշռություն՝ ինչպես նախատեսված է Կատարի մինչև 2030 թվականը նախատեսված ազգային զարգացման հայեցակարգում»,– ընդգծեց Ալ-Քաաբին։

Հայաստանում արևային պանելներ արտադրող առաջին և միակ ընկերությունը Սոլարոնն է։

Տեղադրե՛ք  SolarOn արևային կայան և զրոյացրեք էլեկտրաէներգիայի ծախսը։

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]