Բնությունը՝ երաժշտության լեզվով․ IDBank-ը «Սիմֆոնիկ անտառ» համերգի գլխավոր գործընկեր
Հայաստանի պետական սիմֆոնիկ նվագախումբն իր 20-ամյա հոբելյանական համերգաշրջանը նշանավորում է «Սիմֆոնիկ անտառով»։ Մեր երկրում նոր անտառ կստեղծվի, որը կդառնա կյանքի շարունակականության ու արվեստի հավերժականության խորհրդանիշ։ Անտառտնկման գործըթացն իրականացնելու է «Իմ անտառ Հայաստան» հասարակական կազմակերպությունը։
Նախագծի մեկնարկը կտրվի հոկտեմբերի 23-ին, Հայաստանի պետական սիմֆոնիկ նվագախմբի յուրօրինակ համերգային երեկոյով։ Համերգի գլխավոր գործընկերն IDBank-ն է։ Բացի այդ, IDBank-ը և Իդրամը անտառապատման նախագծին միացել են նաև ընկերությունների «Մի դրամի ուժը» նախագծով՝ անտառտնկման գործընկեր «Իմ անտառ Հայաստան» ՀԿ-ն հայտարարելով հոկտեմբեր ամսվա շահառու կազմակերպություն։
«Լավ միտքն այնքանով է լավ, մինչև որ կան մարդիկ, կազմակերպություններ, որոնք օգնում են, որպեսզի այդ միտքը դառնա իրականություն»,- նշում է Հայաստանի պետական սիմֆոնիկ նվագախմբի տնօրեն Սարգիս Բալբաբյանն ու հավելում․ «Շնորհակալություն բոլոր անհատներին ու կազմակերպություններին՝ «Սիմֆոնիկ անտառի» գաղափարին հավատալու և միանալու համար»։
«Իմ անտառ Հայաստան» ՀԿ-ի փոխտնօրեն Լիլիթ Մարտիրոսյանն ընդգծում է՝ ուրախ են, որ հենց այս տարբերակով է Հայաստանի սիմֆոնիկ նվագախումբը որոշել նշանավորել իր 20-րդ համերգաշրջանը․ «Անտառը վերածնվող կյանքի և հավերժության խորհրդանիշն է։ 20 000 ծառերը, որոնք տնկվելու են Ջրաշենում՝ Շիրակի մարզում, կդառնան նոր անտառ, տարեցտարի կաճեն, կմեծանան և կօգնեն մեր հայրենի բնությանը»։
«Նախաձեռնությունը հրաշալի հնարավորություն է ևս մեկ քայլ կատարելու դեպի ավելի մաքուր, ավելի լավ ու անտառաշատ Հայաստան։ Մենք, բնականաբար, չէինք կարող հնարավորությունը բաց թողնել և չաջակցել այս հրաշալի մշակութային իրադարձությանը, որը «Սիմֆոնիկ անտառի» հիմնադրմանն է նվիրված։ Բացի համերգին աջակցելուց, IDBank և Իդրամը ընկերությունների «Մի դրամի ուժը» նախագծով ևս միացել ենք «Սիմֆոնիկ անտառի» գաղափարին՝ «Իմ անտառ Հայաստան» ՀԿ-ն հայտարարելով հոկտեմբեր ամսվա շահառու»,- նշում է IDBank-ի և Իդրամի հաղորդակցության և սոցիալական ծրագրերի վարչության ղեկավար Տաթևիկ Վարդևանյանը։
Հիշեցնենք, որ «Իմ անտառ Հայաստան» ՀԿ-ի և «Մի դրամի ուժը» նախաձեռնության համագործակցությամբ Հայաստանում մինչ օրս ավելի քան 30 000 ծառ է տնկվել։ Ակնկալվում է, որ նոր համագործակցության արդյունքում Հայաստանի անտառային ֆոնդը կավելանա ևս 6000-ից ավելի ծառով։
ԸՆԿԵՐՈՒԹՅՈՒՆՆԵՐԸ ՎԵՐԱՀՍԿՎՈՒՄ ԵՆ ՀՀ ԿԲ ԿՈՂՄԻՑ
Սամվել Բաբայանի և Արթուր Վանեցյանի քաղաքական համագործակցությունը դադարեցվել է․ «Հրապարակ»
«Կարամ հիմա էլ հրաժարվեմ, մանդատ նե տակ դառագոյ». Սասուն Միքայելյանը՝ Փաշինյանին. «Հրապարակ»
Բաքվի բենզինը ՀՀ-ում վաճառվում է բավականին արագ տեմպերով. սա ցուցիչ է հասարակական դեգրադացիայի
Հայկ Կոնջորյանին հարց տալու համար լրագրողները զրկվել են ԱԺ հավատարմագրից. «Ժողովուրդ»
Արգելել են մոտենալ ՔՊ–ականների տներին. «Արգելք կա, որ պատգամավորներին չծեծեմ». «Հրապարակ»
Իմ տեղեկություններով ԱՄՆ-ից սպասվում է չափազանց բարձրաստիճան պաշտոնյայի այց
31-ամյա վարորդը ոչ սթափ վիճակում վրաերթի է ենթարկել հետիոտնին. վերջինը տեղափոխվել է հիվանդանոց
Մենք ճաղերի տարբեր կողմերում ենք ու իրականում պարզ էլ չէ՝ ճաղերի ո՛ր կողմում է բանտը․ Մելիքյան
Բաքվի «դատարանում» գտնվող Դավիթ Բաբայանը եզրափակիչ ելույթում իրեն մեղավոր չի ճանաչել
ՔՊ նախընտրական ցուցակում չի լինի նաև Փաշինյանի նախկին օգնական Նաիրի Սարգսյանը