Իշխանությունն իր զեկույցով իր հետքի վրա է դուրս եկել․ Աբրահամյանը՝ 44-օրյայի զեկույցի մասին (տեսանյութ)
Երեք տարի շարունակ իշխանությունը հնարավոր բոլոր ամբիոններից հայտարարում էր, որ ԱԺ-ում ստեղծել է «44-օրյա պատերազմի հանգամանքներն ուսումնասիրող քննիչ հանձնաժողով» և բոլոր հարցերի պատասխանը տրվելու է՝ տարածքային ու մարդկային կորուստներից մինչև դիվանագիտական տապալումներ: Այս մասին ԱԺ-ում հայտարարությունների ժամին ասել է «Պատիվ ունեմ» խմբակցության քարտուղար Տիգրան Աբրահամյանը:
«Բացի այն հանգամանքը, որ իշխանությունը միտումնավոր հետևողականություն չդրսևորեց և զեկույցը սահմանված ժամկետներում չնախապատրաստվեց, և ըստ այդմ ԱԺ լիագումար նիստ չմտավ, այդ փաստաթղթին ծանոթությունն էլ ցույց է տալիս, որ մեղադրանքների, վիրավորանքների, վտանգների այն փայաբաժինը, որը տարբեր ուղղություններով ցրվում էր իշխանության կողմից, կամ զեկույցում տեղ չեն գտել, կամ զեկույցում դրանց շատ հպանցիկ ու վերապահումով է անդրադարձ կատարվել»,-նշել է նա:
Աբրահամյանն ասել է, որ զեկույցում ներկայացված պատասխանատուները, որոնց տարբեր բնույթի ծանր մեղադրանքներ են վերագրվում, բոլորը նշանակվել են գործող իշխանության կողմից:
«Զեկույցի ներածական, որոշակի առումով նաև եզրափակիչ մասի գեղարվեստական հատվածին չեմ անդրադառնա: Դա այն նույն մարդու բառապաշարն է, որն արտահայտվում է տարբեր հարթակներում, նաև այս ամբիոնից, որի տակ, որպես կանոն, փաստեր չկան: Սակայն, նույնիսկ մեծամասշտաբ խեղաթյուրումները հնարավորություն չեն տվել իշխանությանը թաքցնելու ողբերգական պատերազմի իրական պատասխանատուներին, իսկ ավելի կոնկրետ՝ բուրգի գլխին կանգնած Փաշինյանին»,-նշել է «Պատիվ ունեմ» խմբակցության քարտուղարը:
Նա հավելել է, որ գործող իշխանության պարագայում զարմանալի բան այլևս չի մնացել: Նախկինում իրենց իսկ հռչակած հերոսները այժմ որպես հանցագործ են ներկայացվում, իսկ նախկինում իրենց կողմից զրպարտվածները հերոսացվում են:
«Հայտնի խոսք կա, որը մեր օրերում շատ հատկանշական է հնչում. գլխավորը՝ նախաքննության ընթացքում ինքներդ ձեր վրա դուրս չգաք: Ինչո՞ւ հիշեցի այս թևավոր դարձած խոսքը, որովհետև տարբեր հակասական, անհիմն, զրպարտիչ ձևակերպումները մի կողմ դրած, իշխանությունն իր զեկույցով իր հետքի վրա է դուրս եկել»,-նշել է Տիգրան Աբրահամյանը:
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
«Ատոմ՝ ապագայի էներգիա». Երևանում անցկացվել է առաջին ազգային երիտասարդական միջուկային երկխոսությունը...
Իշխանությունները ցանկանում են եկեղեցին դարձնել սովորական կրոնական կազմակերպություն. Արեգ Սավգուլյան
Բեյջի թելերից ավելի ուշագրով գնումներ էլ են եղել
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
Ucom-ը FPWC-ի հետ կմասնակցի COP17-ին՝ ներկայացնելով բնապահպանական համագործակցությունը
Հանրային ակտիվության հետևանքը. «Փաստ»
Իշխանությունը չունի Եկեղեցու գործերին միջամտելու ոչ մի իրավունք. «Փաստ»
ԵՄ ներկայիս ղեկավար կազմը ոչ ոքի մեջ վստահություն չի ներշնչում. Հրայր Կամենդատյան
Խոշոր վթար՝ Սևան-Երևան ճանապարհին․ ամուսիններն ու նրանց երեխաները տեղափոխվել են հիվանդանոց