Վստահությունն է հաջողված համագործակցության բանալին
Ակբա բանկն իր փորձն է ներկայացրել «Տնօրենների խորհուրդների աշխատանքը Հայաստանում․ մարտահրավերներ և հնարավորություններ» խորագրով համաժողովին՝ ընդգծելով կորպորատիվ կառավարման առանցքային դերը Հայաստանի տնտեսության զարգացման գործում։
Համաժողովը մեկ հարթակում է միավորել բիզնեսների ղեկավարների, խորհրդի նախագահների, քաղաքականություն մշակողների և միջազգային փորձագետների՝ Հայաստանում կորպորատիվ կառավարման մշակույթի զարգացման հնարավորությունները քննարկելու համար։
Ակբա բանկը դեռևս 2022 թվականին մեկնարկել է կորպորատիվ կառավարման բարեփոխումների լայնածավալ ծրագիր՝ բանկում բարձրացնելով կառավարման որակն ու ամրապնդելով վստահությունը բաժնետերերի և ներդրողների շրջանում։ Այդ մասին է նաև փաստում 2024թ.-ին Զարգացման ֆրանսիական գործակալության խմբի դուստր ընկերություն Պրոպարկոյի՝ Ակբա բանկի 10% բաժնետեր դառնալը։
«Ակբա բանկը կարևորում է Հայաստանում կորպորատիվ կառավարման մշակույթի զարգացումը։ Մենք համարում ենք, որ դա առանցքային դեր պետք է խաղա տնտեսության զարգացման, ընկերությունների խոշորացման գործում։ Գաղտնիք չէ, որ ընկերություններն ունեն կապիտալի միջոցով զարգանալու և ռազմավարական գործընկերներ ներգրավելու խնդիր։ Միայն վստահությամբ է հնարավոր ներգրավել ռազմավարական գործընկերներ։ Իսկ վստահությունն անհնար է առանց կորպորատիվ կառավարման»,- նշել է Ակբա բանկի խորհրդի նախագահ Ռաֆայել Սարգսյանը։
«Ակբա բանկը կառավարման գործընթացում շատ մեծ փորձ ունի, որը կարող է փոխանցել այլ ընկերությունների։ Մեր ինստիտուտը հենց այն վայրն է, որտեղ կարող ենք Ակբա բանկի փորձը փոխանցել մյուսներին։ Ակբա բանկը շատ ակտիվ աշխատում է ոչ միայն խորհրդի, այլև զուգահեռ հանձնախմբերի հետ. կորպորատիվ կառավարման պրոցեսի գունապնակը Ակբա բանկում կա, որից կարողանում ենք նաև սովորել»,- նշել է Տնօրենների հայկական ինստիտուտի տնօրեն Արմենուհի Հովակիմյանը։
«Տնօրենների հայկական ինստիտուտը կարևոր կառույց է կորպորատիվ կառավարման լավագույն փորձին ծանոթանալու, առաջնորդությանը աջակցելու և տնօրենների մասնագիտական կարողությունները զարգացնելու համար։ Կորպորատիվ կառավարումն ու առաջնորդությունը վճռական կարևորություն ունեն տնտեսական աճի, զարգացման և հասարակությունների բարեկեցության առաջմղման գործում։ Հասարակությունն իրական առաջնորդության կարիք է զգում ոչ թե այն ժամանակ, երբ խնդիրները պարզ են և լուծումը տեխնիկական, այլ այն ժամանակ, երբ անհրաժեշտ է նոր մտածողություն, նոր մոտեցումներ և մարդկանց համախմբելու կարողություն»,- նշել է ՀՀ ԿԲ նախագահ Մարտին Գալստյանը։
Համաժողովը կազմակերպել է Տնօրենների հայկական ինստիտուտը՝ իր գործունեության 10-ամյակի շրջանակում։
Բանկը վերահսկվում է ՀՀ ԿԲ կողմից։




















Երիտասարդները՝ հանքարդյունաբերության իրական խնդիրների լուծման ճանապարհին․ ԶՊՄԿ-ն՝ CaseKey 2026-ում
«Բարգավաճ Հայաստան» կուսակցությունը նոյեմբերի 15-17-ը մասնակցում է Մոսկվայում անցկացվող «Հանուն ազգե...
Վարդան Ջհանյանը՝ հանքարդյունաբերության ոլորտի զարգացման և նոր միասնական ստանդարտների ներդրման մասին
Հարյուրավոր հասցեներում լույս չի լինելու նոյեմբերի 17/18-ին
Բաքուն ՉԻ՛ ԿԱՐՈՂ Հայաստանի Հանրապետությանը պարտադրել ներքին օրակարգ. Մարիաննա Ղահրամանյան
Արևմուտքը կընդունի՞ արդյոք ՆԱՏՕ-ի՝ մինչև ընդլայնումն ունեցած տեղակայմանը վերադառնալու պահանջները՝ դե...
Ցույց տվեք Ադրբեջանի որևէ օրենք, որը վերաբերում է Ղարաբաղին. Արշակ Կարապետյան
Քաղաքական հետապնդումների նպատակը հասարակությանը վախի մթնոլորտում պահելն է՝ Ալիևի պարտադրած Սահմանադր...
Իբր հեգնում էր. հիմա իրագործում է. Դավիթ Սարգսյան
Երևանը մերժում է «Ալիևյան Սահմանադրությունը». Հայաստանի Սահմանադրության ճակատագիրը որոշելու են հայեր...