Ռիոյում էլ ենք եղել, բայց այստեղ մասշտաբը միանգամայն այլ է, արձանն այնքան հզոր է. օտարերկրացի բլոգերները Հայաստան են եկել՝ տեսնելու Քրիստոսի արձանը (տեսանյութ)
Հիսուս Քրիստոսի՝ աշխարհում ամենաբարձր մոնումենտալ արձան-համալիրը, որն ակտիվ կառուցման փուլում է, շարունակում է գրավել սոցցանցերում միլիոնավոր հետևորդներ ունեցող օտարերկրացի բլոգերների ուշադրությունը:
Զբոսաշրջային ուղղությունն ընտրած բլոգերների հերթական խումբն այցելել է Հայաստան՝ անձամբ ծանոթանալու Գագիկ Ծառուկյանի նախաձեռնությամբ կյանքի կոչվող բացառիկ կառույցին:
Մասնավորապես՝ բլոգերներ Մարիա Գորյաչովան, Եվգենի Գորյաչովն ու Վալերիա Գերյուգովան, որոնք բացահայտում են աշխարհում ամենահետաքրքիր զբոսաշրջային ուղղությունները, ՀՕԱԿ նախագահի օգնական, 44-օրյա պատերազմի մասնակից Էրիկ Եղյանի ուղեկցությամբ նախ այցելել են քանդակագործ Արմեն Սամվելյանի արհեստանոց, որտեղ ներկայում գտնվում է Քրիստոսի արձանը՝ սպասելով Հատիսի գագաթին տեղադրվելու իր ժամին, ապա միասին հարթահարել են 2,500 մետր բարձրություն և ուսումնասիրել լեռան գագաթին կառուցվող համալիրը, միասին հիացել այնտեղից բացվող չքնաղ համայնապատկերով, Արարատով:
«Գիտեի, որ այստեղ նոր զգացողություն եմ ունենալու, բայց այն, ինչ իրականում զգացինք այստեղ գալով, դժվար է բառերով նկարագրել: Արձանն այնքան հզոր է: Հայաստան եմ եկել հատուկ Փրկչի արձանը տեսնելու», - նշել է Մարիա Գորյաչովան, որը պատրաստվում է իր 14 մլն հետևորդներին պատմել Հայաստանում կյանքի կոչվող բացառիկ կառույցի մասին:
Վալերիա Գերյուգովան, իր հերթին, հավելել է, որ այս տարի իրենք հասցրել են նաև Ռիո դե Ժանեյրոյում լինել ու տեսնել աշխարհահռչակ Փրկչի արձանը:
«Մասշտաբն այստեղ միանգամայն այլ է: Իսկ շուրջդ վեր հառնող լեռները տեսարանն ուղղակի աննկարագրելի են դարձնում», - ընդգծել է բլոգերը:
Բլոգերների այցի ուշագրավ մանրամասները կարող եք դիտել տեսանյութում.




















Երիտասարդները՝ հանքարդյունաբերության իրական խնդիրների լուծման ճանապարհին․ ԶՊՄԿ-ն՝ CaseKey 2026-ում
«Բարգավաճ Հայաստան» կուսակցությունը նոյեմբերի 15-17-ը մասնակցում է Մոսկվայում անցկացվող «Հանուն ազգե...
Վարդան Ջհանյանը՝ հանքարդյունաբերության ոլորտի զարգացման և նոր միասնական ստանդարտների ներդրման մասին
Հարյուրավոր հասցեներում լույս չի լինելու նոյեմբերի 17/18-ին
Բաքուն ՉԻ՛ ԿԱՐՈՂ Հայաստանի Հանրապետությանը պարտադրել ներքին օրակարգ. Մարիաննա Ղահրամանյան
Արևմուտքը կընդունի՞ արդյոք ՆԱՏՕ-ի՝ մինչև ընդլայնումն ունեցած տեղակայմանը վերադառնալու պահանջները՝ դե...
Ցույց տվեք Ադրբեջանի որևէ օրենք, որը վերաբերում է Ղարաբաղին. Արշակ Կարապետյան
Քաղաքական հետապնդումների նպատակը հասարակությանը վախի մթնոլորտում պահելն է՝ Ալիևի պարտադրած Սահմանադր...
Իբր հեգնում էր. հիմա իրագործում է. Դավիթ Սարգսյան
Երևանը մերժում է «Ալիևյան Սահմանադրությունը». Հայաստանի Սահմանադրության ճակատագիրը որոշելու են հայեր...