Այս մարդը վերածվում է դիկտատորի, եթե ընտրվի՝ սովետական ամենածանր բռնաճնշումների հոտն եք զգալու. Նարեկ Կարապետյան

Իշխանությունը 8 տարվա ընթացքում խոստացվել է, որ երկիրը լինելու բարեկեցիկ, մարդիկ սկսելու են լավ ու անվտանգ ապրել: Անցել է 8 տարի, կանգնած ենք նույն փողոցում, բան չի փոխվել, միայն երկիրն է փոքրացել», - այս մասին լրագրողների հետ զրույցում ասաց Նարեկ Կարապետյանը:

«Խաղաղություն խոստանալով բերեց 3 պատերազմ, հարկերը փոքր բզինեսի համար բազմապատկեց 2 անգամ և խոստանացավ, որ ծայրահեղ աղքատությունը պետք է հաղթահարվի, բայց չհաղթահարվեց, 2 տոկոսից ավելի էլ չիջավ, բայց իրենք պարգևավճարներ ստացան ու իրենց շրջապատին գործի տեղավորեցին: 8 տարվա ընթացքում միայն շահել ա մի խմբակ:

Այն բառամթերքը, որ իրենք եմ մտցրել Հայաստան, երբեք չի եղել, ամեն օր նոր վիրավորանք, ամեն օր նոր սանդղակ են սահմանում: Դրա հիմնադիրը էսօրվա վարչապետն ա, ում մեր ժողովրդի դեռ մի միամիտ զանգված շարունակում է հավատալ:

Անդրադառնալով երեկ Սամվել Կարապետյանի արած հայտարարությանը՝ սնկերի մասին և Փաշինյանի՝ դատի տալու սպառնալիքին, Կարապետյանը նշեց.

«Դատարանը թող ուսումնասիրի՝ սունկ կերել է թե չէ, կամ՝ 1 տոննա է կերել, թե որքան, ո՞ր պահերին է կերած եղել: Մեկ-մեկ Ֆեյսբուքում նայում ու մտածում ես՝ հուսով եմ՝ սա սունկն է»:

Նարեկ Կարապետյանը նշեց, որ Հայաստանին փոփոխություն է պետք ու դա առաջնայինն է:

«Մեզ փոփոխություն է պետք, էս մարդկանց ճամփել ա պետք: Նրանց միակ հաջողությունը պարտք վերցնել, ծախելն ա: Մենք այստեղ վերադառնալու ենք 1 ու կես ամսից ու սկսելու ենք մեր երկրի վերակառուցումը: Հիմա ունիկալ շրջան է, պատմական ընտրություններ են նրանով, որ հիմնական ընդդիմադիր առաջնորը տնային կալանքից է մասնակցելու քարոզչական պրոցեսներին: Արդարություն խոստացած ընդդիմությունը կալանավորել է իր ընդդիմադիրին՝ քաղաքական հոդվածով:

Էս մարդը վերածվում է դիկտատորի, և եթե ընտրվի, ժողովուրդը սովետական ամենածանր բռնաճնշումների հոտն է զգալու», - հավելեց Կարապետյանը: