Մեծ հաղթանակը և հայ ժողովրդի մեծ սխրանքը. Արման Վարդանյան
«Միասնություն» շարժման ղեկավար Արման Վարդանյանը իր ֆեյսբուքյան էջում գրում է.
Մայիսի 9-ը սրբազան օր է՝ Մեծ Հաղթանակի, հիշողության, հերոսության և ժողովուրդների միասնական ուժի խորհրդանիշը, որոնք միլիոնավոր զոհերի գնով կարողացան կանգնեցնել նացիզմը և փրկել աշխարհը կործանումից։
Առանձնահատուկ հպարտությամբ ենք խոսում հայ ժողովրդի ներդրման մասին այդ Հաղթանակում։
Չնայած մեր ժողովրդի փոքր թվաքանակին՝ տարբեր գնահատականներով հայերը Խորհրդային Միությունում առաջատարներից էին Խորհրդային Միության հերոսների և բարձրագույն զինվորական կոչումներ ունեցողների թվով՝ բնակչության համեմատությամբ։ Սա դարձավ հայ ժողովրդի աննկուն կամքի, խիզախության և անձնազոհության վառ ապացույցը։
Ավելի քան 500 հազար հայ մասնակցել է Հայրենական մեծ պատերազմին։ Նրանցից ավելի քան 200 հազարը չվերադարձան տուն՝ իրենց կյանքը զոհաբերելով հանուն Հաղթանակի։ 107 հայ արժանացել է Խորհրդային Միության հերոսի կոչման, 27-ը դարձել են Փառքի շքանշանի լիակատար ասպետներ։ Հայ ժողովուրդը Խորհրդային Միությանը տվել է նշանավոր մարշալներ, ԽՍՀՄ նավատորմի ծովակալ Հովհաննես Իսակովին և տասնյակ փառապանծ գեներալների։
Խորհրդային Միության մարշալ Հովհաննես Բաղրամյանի, զրահատանկային զորքերի գլխավոր մարշալ Համազասպ Բաբաջանյանի, ավիացիայի մարշալ Սերգեյ Խուդյակովի (Արմենակ Խանփերյանց), լեգենդար օդաչու Նելսոն Ստեփանյանի և բազմաթիվ այլ հերոսների անունները հավերժ գրվել են Մեծ Հաղթանակի պատմության մեջ՝ որպես ռազմական պատվի, քաջության և հայրենիքին նվիրվածության խորհրդանիշներ։
Մենք պարտավոր ենք պահպանել մեր պապերի և նախնիների հերոսական սխրանքի հիշատակը, փոխանցել այն գալիք սերունդներին և արժանի լինել նրանց զոհողությանը և հերոսությանը։
Այսօր, խոնարհվելով Հաղթանակ կերտած սերնդի առաջ, մենք հավատում ենք, որ հայ ժողովուրդը դեռ բազմիցս ապացուցելու է իր ուժը, արժանապատվությունն ու հաղթելու կարողությունը՝ հանուն հզոր, ինքնիշխան և արդար Հայաստանի։
Փա՛ռք հերոսներին։
Շնորհավոր Մեծ Հաղթանակի օրը։




















Երիտասարդները՝ հանքարդյունաբերության իրական խնդիրների լուծման ճանապարհին․ ԶՊՄԿ-ն՝ CaseKey 2026-ում
«Բարգավաճ Հայաստան» կուսակցությունը նոյեմբերի 15-17-ը մասնակցում է Մոսկվայում անցկացվող «Հանուն ազգե...
Վարդան Ջհանյանը՝ հանքարդյունաբերության ոլորտի զարգացման և նոր միասնական ստանդարտների ներդրման մասին
Հարյուրավոր հասցեներում լույս չի լինելու նոյեմբերի 17/18-ին
Բաքուն ՉԻ՛ ԿԱՐՈՂ Հայաստանի Հանրապետությանը պարտադրել ներքին օրակարգ. Մարիաննա Ղահրամանյան
Արևմուտքը կընդունի՞ արդյոք ՆԱՏՕ-ի՝ մինչև ընդլայնումն ունեցած տեղակայմանը վերադառնալու պահանջները՝ դե...
Ցույց տվեք Ադրբեջանի որևէ օրենք, որը վերաբերում է Ղարաբաղին. Արշակ Կարապետյան
Քաղաքական հետապնդումների նպատակը հասարակությանը վախի մթնոլորտում պահելն է՝ Ալիևի պարտադրած Սահմանադր...
Իբր հեգնում էր. հիմա իրագործում է. Դավիթ Սարգսյան
Երևանը մերժում է «Ալիևյան Սահմանադրությունը». Հայաստանի Սահմանադրության ճակատագիրը որոշելու են հայեր...