«Հայաքվեն» դիմել է Շվեյցարիայի խորհրդարանականներին և նախագահին՝հ աջակցություն Արցախի ժողովրդի վերադարձի իրավունքի շվեյցարական նախաձեռնության

«Հայաքվե» ազգային քաղաքացիական միավորումը պաշտոնական նամակներով դիմել է Շվեյցարիայի Ազգային խորհրդի անդամներին՝ ողջունելով և աջակցելով 18 խորհրդարանականների ջանքերը՝ Արցախի ժողովրդի վերադարձի իրավունքի համար Շվեյցարական խաղաղության նախաձեռնության իրականացման ուղղությամբ։ Այն միջազգային վերահսկողության ներքո երկխոսության հարթակ ստեղծելու և Արցախի հայության՝ իր պատմական հայրենիք անվտանգ ու հավաքական վերադարձի իրավունքը կյանքի կոչելու կարևոր հնարավորություն է։

Մեր ակնկալիքն է՝

- Շվեյցարիայի Դաշնային խորհրդից ի կատար ածել 2025 թվականի մարտին երկու պալատների կողմից ընդունված №24.4259 նախագիծը (Motion 24.4259)։

- Սկսել անմիջական երկխոսություն Արցախի հայերի ներկայացուցիչների մասնակցությամբ:

- Միջազգային վերահսկողությամբ ստեղծել բանակցային առանձնացված հարթակ՝ ապահովելով արցախահայության իրավունքների և անվտանգության երաշխիքները։

Նախագծի իրականացման մեկամյա ժամկետն ավարտվել է դեռևս 2026 թվականի մարտին, սակայն նախաձեռնությունը մինչև օրս գործնական ընթացք չի ստացել: Այդ իսկ պատճառով զուգահեռաբար պաշտոնական նամակով դիմել ենք Շվեյցարիայի Համադաշնության նախագահ Գի Պարմելինին՝ ակնկալելով, որ նրա անմիջական ուշադրության և հետևողականության ներքո Դաշնային խորհուրդը կհստակեցնի նախագծի իրականացման կոնկրետ քայլերն ու ժամկետները։

«Հայաքվեի» նպատակն է աջակցել Արցախի համար շվեյցարական նախաձեռնությանը և հիշեցնել Շվեյցարիայի կառավարությանը` ստանձնած իրավական և բարոյական պարտավորության կատարման մասին։

«Հայաքվեն» պատրաստակամ է համագործակցելու շվեյցարացի խորհրդարանականների և միջազգային գործընկերների հետ՝ նախաձեռնությանը դիվանագիտական հայտարարություններից զատ գործնական ընթացք հաղորդելու համար։