ԱԺ Ուժեղ Հայաստան խմբակցության պատգամավոր Մարիաննա Ղահրամանյանի պատասխանը ՊՆ հայտարարությանը
Սուրեն Պապիկյա՜ն,
փորձենք խոսել ոչ թե գնահատականներով, այլ փաստերով ու թվերով։ Իսկ փաստերը, ցավոք Ձեր օգտին չեն, ցավոք, որովհետև յուրաքանչյուր թվի հետևում զինծառայող է, որի կյանքի և անվտանգության նկատմամբ պատասխանատվությունը Ձեր ղեկավարած կառույցինն է:
Հիմա փաստեր.
Հելսինկյան քաղաքացիական ասամբլեայի Վանաձորի գրասենյակը հայտնել է, որ միայն 2026 թվականի առաջին յոթ ամիսներին ՀՀ զինված ուժերում արձանագրվել է ոչ մարտական պայմաններում զինծառայողների մահացության 30 դեպք։ Այս տվյալը կազմակերպությունը հրապարակել է՝ ներկայացնելով նաև ծառայության հետ կապված և չկապված դեպքերի բաժանումը։
«Ինֆոքոմ»-ը, հղում կատարելով ՀՀ գլխավոր դատախազության պաշտոնական պատասխանին, հայտնել է, որ 2026 թվականի սեպտեմբերի 24-ի դրությամբ զինված ուժերում մահվան դեպքերի թիվը հասել է 40-ի։
Աղբյուրը` https://infocom.am/10051947/
Այս հրապարակմանը հաջորդել են ոչ մարտական պայմաններում զինծառայողների մահվան նոր դեպքեր։
Այսպես.
01.10.2026 – Գորիս համայնքի դիրքերից մեկում մահացել է 20-ամյա պայմանագրային զինծառայող Արթուր Վիրաբյանը։ Նախնական տվյալներով՝ հանկարծամահություն:
Աղբյուրներ՝ https://news.am/hy/news/1065382
10.10.2026 – Հայտնաբերվել է Արմեն Ղազարյանի դին՝ հրազենային վնասվածքով։
Աղբյուրը`
31.10.2026 – Հայտնաբերվել է Տիգրան Ստեփանյանի դին՝ հրազենային վնասվածքով։
18.11.2026 – Մահացել է 19-ամյա Նարեկ Բադալյանը։ Նախնական տվյալներով՝ ինքնասպանություն։
Աղբյուրը`
Վերջին դեքերը հաստատված են ՊՆ-ի կողմից և «Ինֆոքոմ»-ի հրապարակած տվյալի հետ միասին կազմում են այն ցավալի թիվը, որը ես հրապարակել եմ ԱԺ ամբիոնից:
Հիմա հարցեր Պաշտպանության նախարարությանը և Սուրեն Պապիկյանին.
1. Եթե այս տվյալներն ապատեղեկատվություն են, ինչո՞ւ չեք հերքում Գլխավոր դատախազության՝ «Ինֆոքոմ»-ին տրամադրած պաշտոնական տեղեկությունը։
2. Ինչո՞ւ չեք հերքում ՀՔԱ Վանաձորի գրասենյակի հրապարակած թվերը, որոնք նույնպես հիմնված են պաշտոնական մարմիններից ստացված տեղեկությունների վրա։
3. Եթե Ձեր վիճակագրությունն է ճիշտ, ապա ինչո՞ւ հանրությանը չեք ներկայացնում ամբողջական, դեպք առ դեպք ստուգելի տվյալներ՝ նշելով մահվան բոլոր դեպքերը և դրանց պաշտոնական դասակարգումը, ամբողջական հանգամանքները:
Սուրեն Պապիկյան, Դուք չեք կարող Ձեզ համար անհարմար թվերը հայտարարել ապատեղեկատվություն՝ առանց փաստերով պատասխանելու։
44 թիվը հերքելը հեշտ է։ Դժվարը 44 դեպքերի վերաբերյալ հանրությանը հաշվետու լինելն է՝ ներառյալ գործողությունները, որոնք պետք է իրականացնեիք և միջոցները, որոնք պետք է ձեռնարկեիք դադարեցնելու համար ոչ մարտական պայմաններում մահերի այս դաժան վիճակագրությունը:
Զինծառայողների կյանքը վիճակագրական մանիպուլյացիաների առարկա չէ՜։ Յուրաքանչյուր մահ առանձին մարդկային ողբերգություն է, իսկ հանրությունն իրավունք ունի ստանալու ամբողջական պատասխաններ։ Տվե՜ք այդ պատասխանները։




















Երբ տեսական գիտելիքը հանդիպում է արտադրական փորձին. տեսանյութ
Սերգեյ Սմբատյանի գեղարվեստական ղեկավարությամբ Չինաստանի ազգային օպերային թատրոնում ամփոփվեց Խաչատրյա...
Անազատության մեջ՝ անպաշտպան. ինչո՞ւ են մարդիկ մահանում Հայաստանի բանտերում. «Փաստ»
Ամեն մի որոշման, քայլի, գործողության հետևում կոնկրետ մարդիկ են՝ իրենց պատասխանատվությամբ. «Փաստ»
Հայաստանի հանքարդյունաբերությունը՝ միջազգային հարթակում․ ՀՀՄԱ-ն մասնակցել է MINEX Europe Ireland-ին
Գազատարի պայթյունի հետևանքով տասնյակ մարդիկ են տուժել. Բուենոս Այրես
Իրական խաղաղություն չկա և սրանց օրոք չի լինելու. Մենուա Սողոմոնյան
«COP17-ի կապն ամենաբացառիկներից մեկն էր, որ երբևէ ունեցել ենք». Team-ի ծառայությունների որակը բարձր ...
Երևանից Արցախի հարցով նամակներ են հղել Շվեյցարիայի նախագահին և խորհրդարանին. «Փաստ»
Արսենի կորուստը միայն իր ընտանիքի կորուստը չէ, բոլորիս կորուստն է. Անուշ Միրզոյան