«Նոյ» կոնյակի գործարանն անցած տարի խաղողը մթերեց ամենաբարձր գնով ՝ 150 դրամով

Վանիկ Սուրենյանը ֆեյսբուքյան իր էջում գրում է

Աչքովս ընկավ լրատվականներից մեկի հրապարակած նյութը, ըստ որի Երևանի կոնյակի գործարանը հայտարարել է, որ այս տարի պատրաստվում են մթերել
29.000 տ խաղող՝ նախորդ տարվանից 2000տ-ով ավելի և 1 կիլոգրամի դիմաց վճարելու են 150 դրամ՝ 10 դրամով ավել, քան նախորդ տարի:
Չէի էլ անդրադառնա էս փաստին, եթե ինքս էլ չլինեի խաղողագործ, ու տարիներ շարունակ իմ կյանքի ապրուստը չապահովեր հենց խաղողագործությունը:
Դեռևս անցած տարի ես իմ խաղողը մթերել եմ Գագիկ Ծառուկյանին պատկանող Նոյ կոնյակի-գինու օղու-կոմբինատի մթերման կայանում, որը միշտ ավելի բարձր գնով է մթերել խաղողը քան մնացած այլ մթերողները: Եվ հենց անցած տարի էլ, երբ բոլորը մթերում էին 120 դրամով, Ծառուկյանը մթերեց ամենաբարձր գնով 150 դրամով:Էնպես, որ հիմա հայտարարություն անել, որ այս տարի Արարատը կմթերի 150 դրամով, երբ մարդը դեռևս անցած տարի էր էդ գնով մթերում ու դրանից փորձել ցնծալ առնվազն արդար չէ:Մանավանդ, որ բոլորին էլ հասկանալի է, որ այս տարի ոչ մեկ էլ չէր տանելու իր խաղողը մթերեր Արարատ կոնյակի գործարան և նրանք ստիպված էին այս գինը հյատարարել, բայց ճշմարտությունն ամեն ինչից վեր է:Այնպես, որ նման ցնծությամբ ներկայացվող խաղողի մթերման 150 դրամ գինը աննախադեպ չէ:
Բացի այս՝ մթերման պրոցեսի կարևորագույն բաղադրիչը, Նոյ կոնյակի-գինու-օղու կոմբինատը, երբեք սահմանափակում չի դրել մթերվող խաղողի քանակի վրա և միշտ մթերել է բոլոր գործընկեր խաղողագործների խաղողը, մինչև վերջին հատիկը: Անգամ հիշում եմ եղել է տարի, որ շուրջ 45.000 տ խաղող է մթերել գործարանն այն դեպքում, երբ այդ տարի, արտահանման ծավալների կրճատման պարագայում, գործարանը չուներ այդչափ պահանջարկ, բայց հավատարիմ մնալով գործընկերային, փոխադարձ վստահության սկզբունքին, մթերեց բոլորի խաղողը: Անգամ տարի է եղել, երբ որոշ ընկերություններ մթերում էին 80-110 դրամով, Ծառուկյանը հրահանգել էր 150 դրամով մթերել:
Ուղղակի չկարողացա այս փաստի կողքով անտարբեր անցնել և եթե խոսում ենք ձեռքբերումների կամ արդյունավետ աշխատանքի մասին, պետք է արժանիներին միշտ մատնացույց անել, քանզի հենց նրանց ճիշտ կառավարման արդյունքում է, որ հայկական կոնյակագործությունը աշխարհին ճանաչելի է դարձել և հենց այդ նույն գործունեության շնորհիվ է, որ այսօր խաղողագործությունը շարունակում է Հայաստանում վերելք ապրել: