Նիկոլ Փաշինյանը պատրաստ է Հայաստանի հեղինակության, Հայաստանը խայտառակելու հաշվին, բավարարել անձնական ամբիցիաներն ու նկրտումները

Իշխանական քարոզչամեքենան շարունակում է իրականացնել իրենց մոտ ամենալավը ստացվող թեզերի գեներացումը՝ ատելության ու թշնամանքի տարածումը: Անգամ այն դեպքում, երբ Հայաստանի ներքաղաքական զարգացումների վերաբերյալ միջազգային հարթակներից հնչում են ամենակոշտ գնահատականներն ուղղված իշխանության գործողություններին, վերջիններս ամեն կերպ փորձում են իմտիացիա ստեղծել, թե դրանք նախկինների հետ կապ ունեցող, կոնկրետ կենտրոնների կողմից համակարգվող ուժեր են և նմանատիպ այլ անբովանդակ ու տափակ հակադարձումներ: Ամեն ինչ ուզում են անեն, որ թե Վլադիմիր Սոլովյովի մոտ Էնֆիաջյան Վահեի հարցազրույցը նսեմացնեն, թե ԵԺԿ նախագահ Դոնալդ Տուսկի կոշտ հայտարարությունը և թե մնացած բոլոր դեպքերում, որովհետև ըստ էության չի գտնվի գեթ մեկը, ով այս ամենը չի որակի որպես քաղաքական հետապնդում և ժողովրդավարական արժեքների ոտնահարում: Թերևս բացառությամբ այն «ղազ» իշխանավորների, ովքեր իրենց սեփական կարծիքն արտահայտելու համար հատուկ թույլատվություն են խնդրում Նիկոլ Փաշինյանից:
Վստահաբար առաջիկայում՝ իրադարձությունների այսօրինակ զարգացմանը զուգընթաց դեռ շատ նման հայտարարություններ են լինելու, որոնք առանց այդ էլ հոգեվարքի մեջ գտնվող իշխանավորներին էլ ավելի խորը դեպրեսիաների մեջ են գցելու, բայց այստեղ ամենավատը այն է, որ անգամ այդ պարագայում Նիկոլ Փաշինյանը պատրաստ է Հայաստանի հեղինակության, Հայաստանը խայտառակելու հաշվին, բավարարել անձնական ամբիցիաներն ու նկրտումները: Սա շատ ցավալի իրականություն է, ինչը վստահաբար իր բացասական հետևանքն է թողնելու սերունդների վրա, բայց դեռ կա ժամանակ դա թույլ չտալու, ուղղակի հարկավոր է ռեալ գնահատել իրավիճակը, չտրվել ստոր ստերին և շարունակել պայքարը հանուն բարեկեցիկ հզոր ու բարգավաճ Հայաստանի: