ԱՄՆ-ն է պատրաստել «այս խառնաշփոթ»․ Լուկաշենկո

Մեզ համար պատրաստել են ահա այս խառնաշփոթը։ Եվ Ռուսաստանը վախենում էր մեզ կորցնել։ Այս մասին հայտարարել է Բելառուսի նախագահ Ալեքսանդր Լուկաշենկոն, փոխանցում է ԲԵԼՏԱ-ն։ 

«Արեւմուտքը որոշեց մեզ ինչ-որ կերպ ձեռք մեկնել, ինչպես հիմա ենք տեսնում՝ Ռուսաստանի դեմ։ Հիմա նրանք ցանկանում են հաստատել այդ բալթյան-սեւծովյան միջանցքը, սանիտարական պատնեշը՝ երեք բալթիական հանրապետություններ, մենք եւ Ուկրաինան։ Մենք այստեղ մի օղակ ենք մնացել։ Այս ամենը ծրագրում են եւ ուղարկում ԱՄՆ, իսկ եվրոպացիները խաղարկում են։ Ասված է այդպես՝ այդպես են անում։ Վարշավայի տակ հատուկ կենտրոն է ստեղծվել։ Մենք վերահսկում ենք, գիտենք, թե ինչով է զբաղվում։ Սկսել են զրնգալ թրթուրները։ Հասկանում եք, երբ կողքին անհանգիստ է, եւ սկսում են առաջ շարժվել տանկերը ու թռչել օդանավերը, դա պատահական չէ»,- շեշտել է Բելառուսի առաջնորդը։

Լուկաշենկոն նշել է, որ Բելառուսում մեկին վճարել են, մյուսին հիմարեցրել, եւ սկսվել է հետագա քաշքշուկը։ «Իսկ արտասահմանում այդ ժամանակ զորավարժություններ են անցկացնում։ Սա ի՞նչ է։ Անհրաժեշտության դեպքում ներխուժում են պատրաստում»,- վստահ է նա։

Նրա խոսքով՝ այս պայմաններում ստիպված էր ավելի մեծ թվով զինվորականների տեղակայել արեւմտյան ուղղությամբ, հատկապես Գրոդնոյի շրջանում․ «Վաղը դուք կտեսնեք։ Ես այնտեղ եմ թռչելու տեսչական ստուգման»։

Բելառուսի նախագահն, ընդ որում, ընդգծել է, որ սա ոչ միայն բելառուսական խնդիրներ են, ինչպես ոմանք ասում են Ռուսաստանում։ «Այսօր բելառուսական խնդիրը Ռուսաստանի համար պակաս կարեւոր չէ, քան Բելառուսի համար։ Ամենից առաջ Ռուսաստանի վրա են հարձակվում։ Բայց ցանկանում են մեզ ճզմել։ Չի՛ ստացվի։ Մենք կհակադարձենք»,- ասել է Ալեքսանդր Լուկաշենկոն։

Նա արձանագրել է, որ ստեղծված իրավիճակում կան ինչպես արտաքին, այնպես էլ ներքին գործոններ։ «Ես այստեղ ոչ մեկին չեմ վախեցնում, բայց դա իրականում կա։ Մենք ստիպված ենք դա հաշվի առնել եւ խստորեն դիմադրել։ Դրանից ոչ մի տեղ չես փախչի»,- ասել է Բելառուսի նախագահը։

Լուկաշենկոն նաեւ հայտնել է, որ Ֆրանսիայի եւ Գերմանիայի իր գործընկերների հետ Ռուսաստանի նախագահի հեռախոսային զրույցների ժամանակ արեւմտյան կողմն առաջարկել է բելառուսական հարցը քննարկել ԵԱՀԿ հարթակում։ «Լսեք, ես գիտեմ՝ ինչ է ԵԱՀԿ-ն։ Եվ ես Պուտինին ասում եմ՝ լսի, ԵԱՀԿ-ում մենք երկուսով կմնանք, իսկ մնացած բոլորը կսկսեն մեզ ճնշել եւ թունավորել, մեզ պարտադրել իրենց նախաձեռնությունը։ Եվ մենք կխրվենք այդ բանակցություններում, իսկ նրանց դա է պետք։ Որ մենք անընդհատ սկզբից մինչեւ վերջ զբաղվենք այդ բանակցություններով»,- ասել է նա։