«Չելսին» համաձայնել է վճարել գրեթե 100 միլիոն եվրո Հավերցի համար․ Daily Mail

Լոնդոնյան «Չելսի» ֆուտբոլային ակումբը պայմանավորվածություն է ձեռք բերել «Բայեր Լևերկուզենի» կիսապաշտպան Կայ Հավերցի տրանսֆերի մասին, հայտնում է Daily Mail-ը: Ըստ պարբերականի՝ «Չելսին» կարող է «Բայերին» վճարել գրեթե 100 միլիոն եվրո՝ բոլոր բոնուսներով, ինչը ռեկորդ կդառնա լոնդոնյան ակումբի համար: Նշվում է, որ խաղացողի տեղափոխության վերջնական փաստաթղթերի կազմումը կավարտվի այս շաբաթ, իսկ Հավերցը մտադիր է առաջիկա օրերին թռչել Լոնդոն: Ավելի վաղ հաղորդվում էր, որ գերմանացի 21-ամյա կիսապաշտպանն արդեն համաձայնել է «Չելսիի» հետ պայմանագրի բոլոր պայմանների վերաբերյալ՝ ներառյալ համաձայնագրի ժամկետը և աշխատավարձի չափը: 2019/20 մրցաշրջանում «Բայեր Լևերկուզենի» կազմում 45 խաղում Հավերցը դարձել է 18 գոլի հեղինակ: