«Բարսելոնան» հայտնել է Մեսսիի հնարավոր տրանսֆերի գումարի չափը․ Mundo Deportivo

Իսպանական «Բարսելոնան» որոշել է այն գումարի չափը, որով ակումբի հարձակվող Լիոնել Մեսսին կարող է տեղափոխվել այլ թիմ, հայտնում է Mundo Deportivo-ն: Ըստ թերթի՝ «Բարսելոնան» շարունակում է հույս կապել Մեսսիի հետ և մտադիր չէ նրան հրաժեշտ տալ մինչև նրա պայմանագրի ավարտը: Այնուամենայնիվ, ակումբը չի բացառում հնարավորությունը, որ արգենտինացին կարող է լքել ակումբը, եթե նրա տրանսֆերով հետաքրքրված թիմը 700 միլիոն եվրոյի չափով փոխհատուցում վճարի: Մեսսին խաղում է կատալոնական ակումբի կազմում 2003 թվականից: Իսպանիայի առաջնության 485 հանդիպումներում նա խփել է 444 գոլ: