Ռուսաստանը վերաբացում է ավիահաղորդակցությունը․ նոր երկրների ցանկը․ որտե՞ղ է Հայաստանը

Ռուսաստանը հայտարարել է այլ երկրների հետ ավիահաղորդակցությունը վերականգնելու մասին: Այս մասին հայտնում է ՌԻԱ նովոստին:

Հիշեցնենք, որ Ռուսաստանը օգոստոսի 1-ից Ռուսաստանը վերականգնել է միջազգային ավիահաղորդակցությունը: Այն դադարեցվել էր մարտի 27-ին կորոնավիրուսի տարածմամբ պայմանավորված իրավիճակի պատճառով:

Այս ամբողջ ընթացքում փոխադրողները կարող էին չվերթներ կատարել միայն ուղեւորներին տուն վերադարձնելու համար, փոխանցում է ՏԱՍՍ-ը: 

Ե՞րբ եւ ո՞ւմ հետ է վերականգնվում ավիահաղորդակցությունը:

• Ռուսաստանի եւ մյուս երկրների միջեւ ավիահաղորդակցությունը վերականգնվել է օգոստոսի 1-ից:

• Չվերթները կատարվում են Մոսկվայի, Մոսկվայի մարզի, Սանկտ Պետերբուրգի եւ Դոնի Ռոստովի օդանավակայաններից:

• Առաջին երկրները, դեպ ուր հնարավոր կլինի թռչել Ռուսաստանից, Մեծ Բրիտանիան, Տանզանիան, Թուրքիան եւ Աբխազիան էի:

• Լոնդոն, Անկարա, Ստամբուլ եւ Զանզիբար չվերթները վերականգնվել են օգոստոսի 1-ից:

• Օգոստոսի 10-ից չվերթներ կկատարվեն դեպի Անթալիա, Բորդում եւ Դալաման:

• Ավիահաղորդակցությունը կվերականգնվի միանգամից թե՛ կանոնավոր, թե՛ չարթերային հիմքով, հայտնել են «Ռոսավիացիայից»:

• Բելառուսի դեսպանատնից չեն հաստատել ՌԴ-ի հետ ավիահաղորդակցության վերականգնման մասին տեղեկությունները:

• Ռուսաստան ժամանող բոլորը, եթե խոսքը չի վերաբերում դուրս եկող չվերթներին, պետք է ունենան կորոնավիրուսի բացասական թեստի մասին տեղեկանք, կատարված մինչեւ ժամանելը ոչ վաղ, քան 72 ժամ առաջ, կամ թեստ հանձնեն սահմանը հատելուց հետո 3 օրվա ընթացքում:

• Ռուսաստանից Մեծ Բրիտանիա ժամանող բոլորը նախկինի պես պարտավոր են անցնել երկշաբաթյա կարանտին, հիշեցրել են Մոսկվայում բրիտանական դեսպանատնից:

• Թուրքիան եւ Տանզանիան ժամանողների համար կարանտին չեն նախատեսում:

• Ռուսաստանն օգոստոսի 15-ից ավիահաղորդակցությունը վերականգնում է Շվեյցարիայի հետ: Չվերթներն իրականացվելու են շաբաթական մեկ անգամ՝ Մոսկվա-Ժնեւ-Մոսկվա երթուղով:

Ի՞նչ են ասում ռուսական իշխանությունները:

• Տրանսպորտի նախարար Եվգենի Դիտրիխը նշել է, որ Ռուսաստանը ավիահաղորդակցությունը վերականգնելու բանակցություններ է վարում 30 երկրների հետ:

• ՌԴ նախագահ Վլադիմիր Պուտինը երկրի Անվտանգության խորհրդի մշտական անդամների հետ քննարկել է ավիահաղորդակցության բացման շուրջ մյուս երկրների հետ բանակցությունների ընթացքը: