Ոստիկանությունը «Բարսելոնայում» կոռուպցիայի հետքեր է հայտնաբերել․ El Mundo

«Բարսելոնա» ՖԱ-ն կարող է իրավախախտումներ թույլ տված լինել ակումբի սոցիալական ցանցերի՝ լրատվամիջոցների հետ աշխատելու համար ընկերություն վարձակալելու հարցում, հաղորդում է As-ը՝ վկայակոչելով El Mundo- ին: Կատալոնական ոստիկանության տվյալներով՝ ընկերությանը վճարվել է մի գումար, որն ավելի քան 600% -ով գերազանցել է շուկայական գինը: Ոստիկանության պահանջով՝ ակումբի ներկայացուցիչները ցուցմունք կտան: Գործը կքննվի դատարանում։ Բացի այդ, ոստիկանությունը կարծում է, որ աուդիտը, որ շահագրգիռ կողմը՝ «Բարսելոնան», անցկացրել է, վերջնական չէ: Ավելի վաղ ԶԼՄ-ները հաղորդել էին, որ «Բարսելոնան» սոցիալական ցանցերի միջոցով փորձել է ազդել հասարակության կարծիքի վրա`ակումբի նախագահ Խոսեպ Մարիա Բարտոմեուի վարկանիշը պաշտպանելու համար` ներառյալ դրա համար օգտագործելով սեփական խաղացողների քննադատությունը: Ակումբը հուլիսին հայտնել էր, որ աուդիտի արդյունքում որևէ մեկի դեմ պատվիրված զրպարտության արշավների հետք անգամ չի հայտնաբերվել: