Բաքուն կորցրեց հաղթաթղթերը. Հայաստանի դեմ խաղը տապալվեց
Ալիեւը հրամանագիր է ստորագրել տնտեսական ռեֆորմի խորհուրդ ստեղծելու մասին, միաժամանակ լուծարելով ֆինանսական կայունության խորհուրդը, որ ստեղծել էր 2016 թվականին:
Բաքուն հրաժեշտ է տալիս ֆինանսական կայունության սպասմանը կամ երաշխիքին, ըստ այդմ իմաստ չունի պահել մի խորհուրդ, որը չի կարողանալու լուծել իր առաջ դրած խնդիրը եւ դրանով հանդերձ այն դարձնելու է առավել ցցուն:
Ադրբեջանը պատրաստվում է նավթային ցնցումների: Նավթի միջազգային շուկայում իրավիճակը չի տալիս լավատեսության հիմք եւ նավթարդյունաբերող խոշորագույն երկրները, ինչպես օրինակ Սաուդյան Արաբիան, պատրաստվում են բարդ ժամանակների եւ լայն դիվերսիֆիկացիայի ու տնտեսական տրանսֆորմացիայի:
Նավթային շուկայի վերջին շրջանի իրադարձությունները արդեն իսկ իրենց հետքն են թողել Ադրբեջանի վրա: Ադրբեջանում լուծարվեց մի քանի բանկ, առկա է բյուջետային հավաքագրումների խնդիր, արտաքին պարտքը հատել է 9 միլիարդ դոլարի սահմանը: Նավթագազային ենթակառուցվածքների հարցում աշխարհքաղաքական մեծ պահանջարկը, որի վրա էր խաղադրույք կատարել Ադրբեջանը, չարդարացվեց:
Օրինակ, տավուշյան մարտերի ընթացքում փորձելով խաղարկել այդ հանգամանքը եւ հայտարարել, որ Հայաստանը թիրախավորում է էներգետիկ ենթակառուցվածքները, Բաքուն չստացավ միջազգային սպասված արձագանքն ու մտահոգությունը, որը պետք է բերեր հայկական հաղթանակի ապալեգիտիմացման: Տեղի ունեցավ հակառակը, եւ Ադրբեջանը մենակ մնաց Թուրքիայի կլանող քաղաքականության առաջ:
Այդ ամենն Իլհամ Ալիեւին ստիպում է պատրաստվել փլուզման, եւ ֆինանսական կայունության խորհրդի գոյությամբ չգրավել ավելորդ հանրային ուշադրություն, այլ շեղել այդ ուշադրությունը տնտեսական բարեփոխումների խորհրդով: Բարեփոխումները միշտ լինում են բավականին ծանր, բարդ, դրանք ունենում են առաձգականություն, ի տարբերություն օրինակ ֆինանսական կայունության խնդրի: Օրինակ, միշտ հնարավոր է ասել, որ բարեփոխումների էֆեկտը զգալու համար պետք է ժամանակ, պետք է համբերություն: Մինչդեռ շատ դժվար է ասել, թե ժամանակ եւ համբերություն է պետք ֆինանսական կայունություն վերականգնելու համար:
Հայաստանի դեմ խաղը տապալվեց, Իլհամ Ալիեւը թերեւս պատրաստվում է բարդ ժամանակներում ադրբեջանական հանրության հետ ձեռնածու խաղի:
Սաֆարովին կոչում տալով՝ Ալիևն ասում է՝ հայե՛ր, իմացեք, մենք ձեզ ոնց ատել ենք, այդպես էլ ատելnւ ենք
Կարապետյանը պատանդ է․ 1 միլիոն դոլար գրավի առաջարկը դատարանը մերժել է․ «Հրապարակ»
3-ամյա Տիգրանը մահացել է պարանոցի օրգանների բութ առարկաներով սեղմման հետևանքով․ ՔԿ-ն մանրամասնում է
Տարադրամի փոխարժեքները դեկտեմբերի 13-ին
ՌԴ-ում ՀՀ դեսպան Գուրգեն Արսենյանը դիմել է վարչական դատարան` ընդդեմ ՆԳՆ ոստիկանության. «Ժողովուրդ»
Պաշտոնապես հայտարարում եմ՝ չենք պատրաստվում բարձրացնել կենսաթոշակային տարիքը. Արսեն Թորոսյան
Ապահովագրական փաթեթը ամեն ինչ չի փակում, և ծառայությունների մասով էլ լինելու են համավճարներ․ Անահիտ ...
Կոտայքի մարզում 7 երիտասարդներ, որոնցից 3-ը անչափահասներ են եղել, ծեծի են ենթարկել 19-ամյա տղային
Դավիթ Բաբայանը հայտարարել է, որ անմեղ է իրեն առաջադրված մեղադրանքների շրջանակում
Մի շարք հասցեներում 24 ժամ ջուր չի լինելու