«Լիվերպուլը» պայմանավորվածություն է ձեռք բերել «Բավարիայի» հետ Տիագո Ալկանտարայի տրանսֆերի հարցում․ The Athletic

«Լիվերպուլը» պայմանավորվածություն է ձեռք բերել «Բավարիայի» հետ Իսպանիայի ֆուտբոլի ազգային հավաքականի կիսապաշտպան Տիագո Ալկանտարայի տեղափոխության հարցում, հաղորդում է The Athletic-ը: Ավելի վաղ հաղորդվում էր, որ «Լիվերպուլի» ներկայացուցիչները պատրաստ են գործարք կնքել Տիագոյի համար միայն թիմի կիսապաշտպաններից մեկի հեռանալուց հետո: 29-ամյա խաղացողի տրանսֆերային գումարը կկազմի մոտ 30 միլիոն եվրո: Անցած մրցաշրջանում Մյունխենի «Բավարիայի» կազմում Տիագոն անցկացրել է 40 հանդիպում և դարձել երեք գոլի հեղինակ: Ֆուտբոլիստը մյունխենյան ակումբում խաղում է 2013 թվականի ամռանից` «Բարսելոնայից» տեղափոխվելուց հետո: Իսպանիայի ազգային հավաքականում նա անցկացրել է 39 հանդիպում և խփել երկու գնդակ: