«Բարսելոնայի» հարձակվող Սուարեսը բազայից լացելով է հեռացել․ Goal.com

«Բարսելոնայի» խաղացող Լուիս Սուարեսը հրաժեշտ է տվել իր թիմակիցներին, հայտնում է Goal.com-ը: Հրաժեշտը տեղի է ունեցել ակումբի բազայում։ Սուարեսը լացելով հեռացել է: Ավելի վաղ հաղորդվում էր, որ ուրուգվայցին, որի պայմանագիրը «Բարսելոնայի» հետ ուժի մեջ է ևս մեկ մրցաշրջանի համար, պայմանավորվել է ակումբի հետ պայմանագիրը խզելու մասին: Ակնկալվում է, որ հարձակվողը կդառնա Մադրիդի «Ատլետիկոյի» խաղացող: 2014 թվականից Սուարեսը խաղում է «Բարսելոնայում»: «Կապտանռնագույնների» կազմում նա չորս անգամ նվաճել է չեմպիոնությունն ու Իսպանիայի գավաթը, Չեմպիոնների լիգան և ՈւԵՖԱ-ի Սուպերգավաթը: Ընդհանուր առմամբ, հարձակվողը «Բարսայի» կազմում անցկացրել է 283 հանդիպում, որոնցում խփել է 198 գոլ: