Հանուն Արցախի ու մեր հաղթանակին ուղղված ԲՀԿ-ի գործունեությունը Անուշ Բեղլոյանի մոտ խանդի նոպաներ է առաջացրել...

Մեզ համար այս դժվարին օրերին բոլորը կարծես համախմբվել են հանուն մեկ ընդհանուր նպատակի՝ հանուն հաղթանակի: Թվում էր, թե բոլորը պետք է լծված լինեն իրենց գործին, բայց արի ու տես որ խորհրդարանում կան պատգամավորներ, որ այդպես էլ վերջ չտվեցին մի արատավոր պրակտիկայի, որն է իրենք ոչինչ չանելով փորձեն սևացնել ուրիշների արածը: Հերթական նման մի օրինակ էլ այսօր եղավ, երբ ԱԺ «Իմ քայլը» խմբակցության պատգամավոր Անուշ Բեղլոյանը կարծես վրդովված էր, այն ամենից, որ անում է ԲՀԿ-ն այս օրերին հանուն Արցախի ու մեր հաղթանակի: Այս օրերի ընթացքում բոլորս ենք տեսնում, որ ԲՀԿ-ն բոլոր ասպեկտներում է գործում, բոլոր ուղղություններով է գործունեություն ծավալում, ԲՀԿ-ակաները Ծառուկյանի գլխավորությամբ կամավորկան ջոկատներ են կազմում, նյութական աջակցություն ցուցաբերում, իսկ այսօր էլ պարզ դարձավ, որ ԲՀԿ-ն պատվիրակություն է գործուղում Մոսկվա՝ քննարկելու Արցախում ստեղծված իրավիճակը: Ռուսաստանը մեր ռազմավարական դաշնակիցն է և նման այցելությունները իսկապես շատ կարևոր են ու հաստատ օգտակար կլինեն մեր երկրի համար: Այս ամենին փաստորեն խանդով են արձագանքում իշխող ուժի որոշ ներկայացուցիչներ, դե երևի իրենց ոչինչ չանելու ֆոնին դա նոռմալ է, բայց այս իրավիճակում նման վարքագիծը պարզապես պարսավելի է: Հարգելիներս մի կողմ դրեք ձեր խանդը և մի օգտակար գործով զբաղվեք այս օրհասական պահին։