Էրդողանն ավելի մեծ սպառնալիք է աշխարհի համար, քան կորոնավիրուսի համավարակը․ Դավութօղլու
Թուրքիայի նախագահ Ռեջեփ Թայիփ Էրդողանն ավելի մեծ սպառնալիք է աշխարհի համար, քան կորոնավիրուսի համավարակը: Այս մասին հայտարարել է թուրք առաջնորդի նախկին դաշնակից, Թուրքիայի նախկին վարչապետ, ընդդիմադիր «Ապագա» կուսակցության ղեկավար Ահմեդ Դավութօղլուն, գրում է The National-ը: Դավութօղլուն իր կուսակիցների առջև ունեցած ելույթում հայտարարել է, թե Եվրոպայի և աշխարհի համար ամենամեծ վտանգը բռնապետության մշակույթն է, որը տարածել են պոպուլիստ առաջնորդները, ինչպիսին Էրդողանն է: «Ցեղապետության չափանիշը ընտրության բացակայությունն է, իսկ ընտրությունը ժողովրդավարության չափանիշն է։ Քանի դեռ մեր ժողովուրդը տառապում է, և կա խորը կոռուպցիա, իսկ մեր երկրի արժանապատվությունը վիրավորում են դրսում, մենք կշարունակենք արտահերթ ընտրությունների կոչ անել»,- հայտարարել է նա։ Դավութօղլուն նաև քննադատել է կառավարման նախագահական համակարգը, որը կյանքի է կոչվել 2016 թվականին Էրդողանի կողմից: Նա նշել է, որ երկիրը պետք է վերադառնա խորհրդարանական համակարգի, քանի որ ներկայիս համակարգը միայն ճգնաժամեր է առաջացնում: Նա վերահաստատել է արտահերթ ընտրություններ անցկացնելու վերաբերյալ իր պահանջը, որն ընդդիմությունն առաջ էր քաշել հոկտեմբերի սկզբին:
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
ՍՏՈՊ ավելորդ բաժանորդագրություններին․ Visa Stop Payment-ը Converse Mobile-ում
«Հորիզոն» փառատոնը Հայաստան է բերում Stephan Bodzin-ին, Satori-ին, Son of Son-ին և Tamada-ին
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Ֆինանսական նոր հմտություններ Դավիթբեկյան խաղերում․ Idram&IDBank
Չինաստանը գործարկում է նոր սերնդի էներգետիկ համալիր. 700,000 արևային վահանակներ և արհեստական բանական...
Փաշինյանը դատական մաֆիան հանել է իմ դեմ. Էդմոն Մարուքյան
«Դիմադրության օջախների կրակները մարելու համար շարունակում է իրականացնել իր ռեպրեսիվ գործունեությունը...