Կրթությունն ունի ռազմավարական նշանակություն. Պլեխանովի անվան համալսարանում բացվեց «Հեռանկարային հետազոտությունների» լաբորատորիա (տեսանյութ)
Պլեխանովի անվան տնտեսագիտական համալսարանի երևանյան մասնաճյուղում տեղի ունեցավ «Հեռանկարային հետազոտությունների» լաբորատորիայի բացումը։ Տնօրինությունը շուրջ մեկ տարի պատրաստվել էր ծրագրի իրականացմանը, որն այսօր կյանքի կոչվեց։ Համալսարանի տնօրենն իր ելույթում նշեց՝ շահառուները ուսանողներն են, նպատակը պոտենցիալ ներուժ ունեցող երիտասարդներին հայրենիքում պահելն է։ Նման ուսանողներին համախմբելու համար միավորվել են լավագույն մասնագետները, որոնք պատրաստ են իրենց գիտելիքը ներդնել արհեստական ինտելեկտի զարգացման ուղղությամբ։
«Լաբարատորիայի հիմնական զարգացման ուղղությունն արհեստական ինտելեկտն է: Այստեղ միավորված են հանրապետության լավագույն մասնագետները և նրանք պատրաստ են իրենց գիտելիքները, տարիների կուտակած փորձը ներդնել մեզ մոտ` այդ ուղղությունների զարգացման համար»,- այս մասին ասաց Գ.Վ. Պլեխանովի ՌՏՀ Երևանի մասնաճյուղի տնօրեն Թամարա Վարդանյանը:
Լաբորատորիայի բացումը կարևոր նախաձեռնություն է IT ոլորտում և համալսարանի տնօրինությունը ջանք չի խնայել ինտելեկտուալ պոտենցիալը զարգացնելու համար։ Համալսարանի հոգաբարձուների խորհրդի նախագահ Արման Վարդանյանը, կարևորելով լաբորատորիայի ստեղծման գաղափարը, հույս հայտնեց, որ երիտասարդները կկարողանան ստացած գիտելիքի պաշարով նպաստել կրթության զարգացմանը, որն ունի ռազմավարական նշանակություն։
«Մենք պետք է ունենանք կրթված սերունդ, երիտասարդություն, որոնք պետք է ստանան փայլուն գիտելիքներ և կարողանան իրենց պրոֆեսիոնալիզմով, իրենց մոտեցումներով, նորարարությամբ մեր երկիրն առաջ տանել, որովհետև որևիցե այլ կերպ մենք չենք կարող ապահովել երկրի ռազմավարական առաջընթացը»,- ասաց Արման Վարդանյանը:
Բացման արարողությանը ներկա էին նաև Հայաստանում Ռուսաստանի դեսպանության, Ռուսական տան, Հայաստանում Ռուսաստանի առևտրային ներկայացուցչության, Ռուսալ-Արմենալ և Հարավկովկասյան երկաթուղի ընկերությունների, Մ.Վ. Լոմոնոսովի անվան Մոսկվայի Պետական Համալսարանի երևանյան մասնաճյուղի ներկայացուցիչները, «Գազպրոմ Արմենիայի» դպրոցի աշխատակիցները, ինչպես նաև IT ոլորտի առաջատար կազմակերպությունների ներկայացուցիչները:
Ներկաները ծափահարություններով ողջունեցին գաղափարը և շնորհակալություն հայտնեցին այն նախաձեռնողներին ու իրականացնողներին։
Վեհափառ Հայրապետի աջը համբուրելու համար Զավենիչի արդարացումները չեն ընդունվել. «Իրավունք»
Ալաշկերտի դպրոցի պահակը դպրոցից կատարել է եվրոպական արտադրության դռների գողություն
Մանկավարժականի ռեկտորը ազատ արձակվեց. որոշում․ «Ժողովուրդ»
Արագածոտնի մարզում փրկարարները մորն ու նրա 3 անչափահաս երեխաներին տեղափոխել են հիվանդանոց
Փաշինյանի պլանները կաթողիկոսի մասով չեն հաջողվում. 57-ից 10-ը անբավարար են. «Ժողովուրդ»
Արամ Զավենիչի քայլն ընդունել են որպես քաղաքական թարս չափալախ ու թաղմանը չեն գնացել․ «Հրապարակ»
Փաշինյանը Կաթողիկոսին հեռացնելու ժամկետ է դրել. «Իրավունք»
Դոլարն էժանացել է, ռուբլին՝ թանկացել․ փոխարժեքն՝ այսօր
Հրազդան գետում հայտնաբերել է երիտասարդ տղայի մարմին. այն դուրս բերելու համար ժամանել են փրկարարներ
Ով է «վերբովկա» արել գեներալ Կարեն Շաքարյանին․ բացառիկ մանրամասներ. «Իրավունք»