Պառակտումը խորացնելու փոխարեն պետք է ընտրել համաձայնության վարչապետ
Պառակտումը խորացնելու փոխարեն պետք է ընտրել համաձայնության վարչապետ։ Վերջապես ողջամիտ մի առաջարկություն, որ հնչել է քաղաքական գործիչ Արտակ Թովմասյանից։
«Երրորդ ուժ» քաղաքացիական նախաձեռնության անդամ Թովմասյանն ուշագրավ մի առաջարկ է անում, որը կարող է դառնալ փրկության օղակ Հայաստանի Հանրապետության համար։ Եւ ժամանակն իսկապես կարճ է։ Թովմասյանը ԱԺ 44 պատգամավորների հորդորում եւ խնդրում է՝ առաջադրել վարչապետի այլ թեկնածու, ընտրել նրան եւ հնարավորություն տալ պետությանը վերջապես շնչելու պատերազմում փաշինյանական իշխանության մեղքով կրած ծանր պարտությունից եւ հոգեբանական բարդ փուլից հետո։
Ուշագրավ են Արտակ Թովմասյանի համեմատությունները՝ Հայաստանի՝ 1918-20թթ․․ եւ գործող իշխանությունների միջեւ․ հարյուր տարի անց մենք կրկին կանգնած ենք բարդ ընտրության առջեւ, ու 44 պատգամավորներից է կախված՝ արդյոք երկիրը կգնա վտանգավոր ցնցումների, թե կկարողանա դուրս գալ ճգնաժամային իրավիճակից։ Արդյո՞ք «Իմ քայլում» հանգրվանած պատգամավորները կգայթակղվե՞ն Նիկոլ Փաշինյանի տված սին խոստումներով, թե՞ կգիտակցեն երկրի առջեւ ծառացած մարտահրավերները։ Ողջամիտ պատգամավորներ կան այդ խմբակցությունում, մարդիկ, որոնք գիտակցում են, թե ինչ հարված է հասցրել Հայաստանին դիլետանտ այս կառավարությունը։
Ու այսօր հենց այդ պատգամավորների վճռականությունից եւ հայրենասիրությունից է կախված։ Միթե՞ նրանք թույլ կտան Հայաստանը տանել կործանման, միթե՞ նրանց հնարավոր է գայթակղել պաշտոնի եւ փողի խոստումներով, որ, ըստ մամուլի հրապարակումների, տվել է Փաշինյանը անհատական եւ խմքակային հանդիպումներում, թե՞ կքավեն իրենց մեղքը սեփական երեխաների առջեւ։ Ի վերջո, տարիներ անց այդ պատգամավորները ստիպված են լինելու նայել իրենց զավակների աչքերի մեջ, խոստովանելու իրենց արածները։ Մեկ անգամ դուրս եկեք ձեր խղճի առջեւ, ինքներդ ձեզ հարց տվեք՝ արդյո՞ք անում եք ձեր քայլը հանուն ձեր երկրի, թե՞ օտար ուժերի դրդմամբ ձեր սեփական երկիրը գլորում եք անդունդը։
Կարճ է ժամանակը․․․ Լսեք վերջին օրերի ամենաողջամիտ առաջարկը, որ արել է Արտակ Թովմասյանը, տեր կանգնեք ձեր երկրին։
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
ԲՐԻԿՍ-ը պարտավոր է հրապարակավ պաշտպանել և իր գործողություններով աջակցել Իրանին․ Խաչիկ Ասրյան
«Դիմադրության օջախների կրակները մարելու համար շարունակում է իրականացնել իր ռեպրեսիվ գործունեությունը...
Այսօրվա Հայաստանում քաղաքական հայտ ներկայացնելը հանցագործություն է համարվում. Նարեկ Կարապետյան
Հունձն այլևս խնդիր չէ. Ստեփանավանն ու հարակից բնակավայրերը կունենան նոր և ժամանակակից գյուղտեխնիկա, ...
Ավետիք Չալաբյանին զրկել են նաև ընտանիքին տեսնելու իրավունքից․ Մենուա Սողոմոնյան