Դիլետանտների խրախճանքն ու դառը իրականությունը
Ադրբեջանական զինուժի շուրջ 250 ներկայացուցիչներ այս պահին շարունակում են գտնվել մեր պետական սահմաններից ներս՝ Սյունիքի և Գեղարքունիքի մարզերի որոշ հատվածներում: Այս փաստը երեկ Անվտանգության խորհրդի արտահերթ նիստում արձանագրել է Նիկոլ Փաշինյանը, խոստովանել, որ երկու օրից ավելի չեն կարողանում Հայաստանի սուվերեն տարածքում հեռացնել շուրջ 3,5 կիլոմետր խորացած թշնամական ստորաբաժանումները։
Մեկ ամբողջ օր իշխանությունն ու նրա աջակիցները բոլոր հնարավոր մեթոդներով հերքում էին ներխուժման փաստը, վիրավորում այդ մասին բարձրաձայնողներին, մեղադրում «մեդիատեռորի» մեջ, սակայն, վերջնարդյունքում, խոստովանում իրենց անճարակությունը։ Իշխանության առանձին ներկայացուցիչներ էլ անցել էին բացահայտ հայհոյանքների, աջուձախ վիրավորանքներ էին շաղ տալիս Սյունիքի համայնքապետերի, նախկին մարզպետ, ներկայումս «Վերածնվող Հայաստան» կուսակցության նախագահ Վահե Հակոբյանի հասցեին։ Վերջինս ընդամենը ներկայացրել էր իրականությունը, այն փաստերը, որ ժամեր անց բառացի կրկնեց Նիկոլ Փաշինյանը։ Մասնավորապես, Հակոբյանը հայտնել էր, որ նախօրեին 200-ից ավելի զինված ադրբեջանցի զինծառայողներ 3 կիլոմետր խորացել են Հայաստանի տարածք, կտրել են ճանապարհը Սև լճերից դեպի Գորիս ու տեղակայվել։ Մինչ Փաշինյանն ավելի ուշ կհաստատեր Վահե Հակոբյանի հայտնած տեղեկությունները, նրա կուսակից Անդրանիկ Քոչարյանն ասուլիս էր տվել ու արձագանքել Վահե Հակոբյանին։
«Վահե Հակոբյանն էդ կրակոցները իր ականջո՞վ է լսել, թե՞ ուղղաթիռով պտտվելիս: Թող ուղղաթիռն իջեցներ, ավտոմատը վերցներ, գնար, կանգներ զինվորների կողքին: Խելոք նստեք տեղներդ»,- ասել է Քոչարյանը։
Փաստացի պարզվեց, որ Անդրանիկ Քոչարյանն ու մյուս հերքողներն ընդամենը իշխանության՝ ջուր ծեծող սազանդարներ են, իսկ ընդդիմադիր քաղաքական գործչի դեմ նրանց հակաքարոզչության փորձն անփառունակ վախճան ունեցավ։ Պարզվեց նաև, որ Հայաստանում պաշտոնական գերատեսչություններն ընդամենը ապատեղեկատվություն են տարածում՝ դասեր չքաղելով վերջին պատերազմին իրենց ապատեղեկատվությունների պատճառով հասցրած վնասից, և կրկին ու կրկին ապացուցելով, որ պետք է հավատալ ոչ թե պաշտոնական ապատեղեկատվություններին, այլ ընդդիմադիրների հայտնած տեղեկություններին։ Տրամաբանական կլիներ, որ հանրությանը այդկերպ խաբել և մոլորեցնելուց հետո Անդրանիկը Քոչարյանը նստեր ուղղաթիռն ու զենքը ձեռքին գնար Սյունիք՝ սահմանները պաշտպանելու։
Սակայն նրանք վաղուց ապացուցել են, որ «փայլում» են միայն մեծ-մեծ փրթելուց, իսկ երբ կոնկրետ խոսքից գործի պիտի անցնեն, սովորույթի համաձայն՝ ցուցադրում են իրենց ապիկարությունն ու անճարությունը։
Արա Ադամյան
«Ընդդիմությունը գնում է «պատերազմ». ինչպիսի՞ն է լինելու ապագա խորհրդարանը». «Փաստ»
Բաքվում դատում են Հայաստանին. ինչո՞ւ է Փաշինյանի իշխանությունը լռում. Էդմոն Մարուքյան
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Հայկական պետականության «ողնաշարի» թիրախավորումը. ինչպե՞ս է Բաքվի բազմամյա երազանքն իրականություն դառ...
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Զանգեզուրի պղնձամոլիբդենային կոմբինատի և ԵՊՀ-ի համագործակցությունը շարունակվում է
Նարեկ Կարապետյանը պատգամավոր է լինելու, բայց ԿԸՀ-ն իր մասով միջնորդություն պիտի այսօր քննի
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
ԲՐԻԿՍ-ը պարտավոր է հրապարակավ պաշտպանել և իր գործողություններով աջակցել Իրանին․ Խաչիկ Ասրյան
Այսօրվա Հայաստանում քաղաքական հայտ ներկայացնելը հանցագործություն է համարվում. Նարեկ Կարապետյան