Արա Աբրահամյանի խիստ կոչը Նիկոլ Փաշինյանին
Ռուսաստանի հայերի միության և Համաշխարհային հայկական կոնգրեսի նախագահ Արա Աբրահամյանը Նիկոլ Փաշինյանին կոչ է արել գիտակցել Սյունիքում ծավալվող իրադարձությունների համար իր անձնական պատասխանատվությունը և անմիջապես գործի դնել առկա ինչպես ներքին, այնպես էլ արտաքին ռեսուրսները և մեխանիզմները՝ պաշտպանելու երկրի սահմանները և Հայաստանի բնակչության անվտանգությունը
Արա Աբրահամյանի կոչում ասվում է.
«Ձեր անգործունակ հայտարարություններով և կոչերով միայն գործունեության պատրանք եք ստեղծում՝ վնասելով Հայաստանի պետականությանը և նրա բնակչությանը:
Հասարակությունն իրավունք ունի իմանալ.
- Ինչո՞ւ ոչինչ չեք ձեռնարկել Հայաստանի տարածք Ադրբեջանի զինուժի ստորաբաժանումների ներխուժումը և հայկական բնակավայրերի մոտ տեղակայումը կանխելու համար:
- Ե՞րբ եք իմացել ադրբեջանական զորքերի առաջխաղացման մասին: Արդյո՞ք տեղեկություններ ունեցել եք ռազմական ներխուժման մասին, թե՞ Հայաստանի հատուկ ծառայություններն ու ուժային կառույցները գլխավորապես զբաղված են Ձեր անձնական անվտանգությամբ և հանգստությամբ:
- Որպես գերագույն հրամանատար ի՞նչ եք արել, որպեսզի ադրբեջանական դիվերսիոն խմբավորումներին հակահարված տրվեր: Ինչո՞ւ նրանք չշրջապատվեցին և չգերեվարվեցին և դեռ գտնվում են Հայաստանի տարածքում:
- Ինչո՞ւ ՌԴ նախագահ Վլադիմիր Պուտինի հետ զրույցի ժամանակ Սյունիքի մարզի իրադարձությունների կապակցությամբ օգնություն չեք խնդրել: Այս ամենը Ձեզ Ռուսաստանին «դիմելու» «արցախյան» սցենարը չի՞ հիշեցնում:
- Ինչո՞ւ եք կարգադրել դիմել ՀԱՊԿ-ին Կոլեկտիվ անվտանգության պայմանգրի 2-րդ հոդվածի հիմքով (սպառնալիք պետությանը) այլ ոչ թե 4-րդ հոդվածով (հարձակում մետության վրա):
- Պարոն Փաշինյան, պետության ղեկավարի պաշտոնակատար լինելը չի նվազեցնում Ձեր գործողությունների և անգործության համար պատասխանատվության աստիճանը: Հենց Դուք եք այսօր ինչպես Սյունիքում, այնպես էլ ամբողջ Հայաստանում կատարվող իրադարձությունների գլխավոր պատասխանատուն և մեր հայրենիքի նկատմամբ ոտնձգությունների հանդեպ հայաստանյան իշխանությունների փաստացի անգործության գլխավոր մեղավորը:
- Ձեզ կոչ ենք անում անմիջապես գործի դնել առկա ինչպես ներքին, այնպես էլ արտաքին ռեսուրսները և մեխանիզմները՝ պաշտպանելու երկրի սահմանները և Հայաստանի բնակչության անվտանգությունը»:
Սմոլենսկի մարզի Ռուդնյա քաղաքում հանդիսավորությամբ բացվեց բարեկամության, հավատքի և ժողովուրդների հոգ...
Կոռուպցիոն սկանդալի հետքերով. ինչպես են պետական միջոցները վատնվել աստղաբաշխական գներով. «Փաստ»
«Եթե պետական հիշողությունը, ազգային իղձերը կորցնում ենք, այդ դեպքում ի՞նչն ենք պաշտպանում». «Փաստ»
Michelin-ի գաղտնի տեսուչները Հայաստանում. ո՞վ կարող է արժանանալ առաջին աստղին. «Փաստ»
Մենք վերջ կդնենք Փաշինյանի զիջողական քաղաքականությանը. տեսանյութ
Բիզնեսի և հանքարդյունաբերության առաջնորդներից Մարկ Կուտիֆանին երրորդ Mining Armenia Forum-ի գլխավոր ...
Երբ ջնջվում է... ոգին. «Փաստ»
ՀՀ իշխանությունը ԵՄ-ի հետ հարաբերություններում առաջնորդվում է երկակի ստանդարտներով․ Աննա Կոստանյան
Քաղաքական «մարտեր առանց կանոնների». «Փաստ»
Հայաստանի հանքարդյունաբերական ֆորում 2026. «Ռեսուրսներից՝ հնարավորություններ»