Գավառում բացվեց մանկական ժամանցի կենտրոն
Հունիսի 6-ին Գավառ քաղաքում կայացավ Արզաքանցյան ընտանիքի հերթական բարի գործը: Յուրաքանչյուր գավառցու քաջ հայտնի «Արևիկ» կինոթատրոնի բակը մի քանի ամիսների ընթացքում ամբողջովին փոխվել է՝ վերածվելով մանկական ժամանցի կենտրոնի: Գաղափարն ու նախաձեռնությունը Տիգրան Արզաքանցյանի տիկնոջը՝ Նատալյա Ռոտենբերգինն էին: Բազմաթիվ մանուկներ և նրանց ծնողներն այսօր՝ հունիսի 6-ին, անմոռանալի գունեղ, ուրախ, երաժշտությամբ ու խաղերով լի օր ունեցան: Մանկական նորաստեղծ կենտրոնի բացումն ազդարարեցին Արզաքանցյան ընտանիքի անդամները:
Զվարճալի հնարքներ ցուցադրող ծաղրածուներ, սիրված մուլտհերոսներ, վարժեցրած կենդանիներ, խաղային բազմաթիվ միջոցներ և իհարկե անսպառ անուշեղեն բոլորի համար. Արզաքանցյանները հաշվի էին առել ամենաչնչին մանրուքներն անգամ, որպեսզի երեխաներն ունենան կատարյալ օր և տրամադրություն: Դե, իսկ երեխաների ոգևորությունը սահմաններ չուներ: Փոքրիկները վայելեցին ամառային արևոտ օրը, խաղային ամենատարբեր միջոցները, պաղպաղակի և այլ անուշեղենների առատ հյուրասիրությունը: Նատալյա Ռոտենբերգը Գավառ քաղաքին նման կենտրոն նվիրելը պատահական չի համարում: Գավառն իր ամուսնու ծննդավայրն է, ուստի այս քաղաքի զարգացումն ու բարեկեցությունը իր համար էլ կարևոր է ու հետաքրքիր: Մոտ երկու ժամ տևած միջոցառման ամբողջ ընթացքում Տիգրան Արզաքանցյան- Նատալյա Ռոտենբերգ զույգը շփվեց ու լուսանկարվեց երեխաների հետ: Նատալյա Ռոտենբերգը նախատեսում է շարունակել երեխաների ազատ ժամանցի կազմակերպմանն ուղղված իր նախաձեռնությունը՝ այն հագեցնելով նորամուծություններով և առավել գրավիչ խաղամիջոցներով:
Օրվա տոնական տրամադրությունը լրացրեց տոնական տորթը: Տիգրան Արզաքանցյանի մայրը՝ Վարսենիկ Գրիգորյանը և կինը՝ Նատալյա Ռոտենբերգը կտրեցին այն և անձամբ հյուրասիրեցին փոքրիկներին: Տոնական միջոցառումից երեխաներին մնացին վառ տպավորությունները, ի հիշատակ արված լուսանկարներ և, իհարկե, մանկական կենտրոնն իր բոլոր խաղերով, որ դեռ երկար ծառայելու է Գավառի և հարակից համայնքների երեխաների ժամանցի կազմակերպմանը: Գավառցիների երկար սպասված իրադարձությունը` գործի մարդիկ իրականություն դարձրին։ Առջևում սպասվում են նոր անակնկալներ։
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Հրապարակ»․ Նիկոլ Փաշինյանը մտադիր է Գագիկ Ծառուկյանին սնանկացնել
Արմեն Գրիգորյանը կմեկնի Լեհաստան՝ մասնակցելու Ուկրաինայի վերականգնման համաժողովին
«Հրապարակ»․ Ավինյանի բախտը բերեց. ՔՊ–ում վստահ էին, որ ընտրություններից հետո նրան փոխելու են. ինչու ...
Գրանցվել է 829 դեպք, որից 258-ը՝ արտակարգ. Փրկարար ծառայությունն ամփոփել է անցած շաբաթը
«Տելեկոմ Արմենիա»-«Ազերտելեկոմ» համաձայնագիր․ տեխնիկակա՞ն լուր, թե՞ ավելի լայն ենթակառուցվածքային գո...
Դալարիկի մոտակայքում վառելիք տեղափոխող բեռնատարը բախվել է գնացքին, ինչի հետևանքով հրդեհ է բռնկվել. կ...
Grundfos Tech Day․ Երևանում ներկայացվեց ջրամատակարարման «ոսկե ստանդարտը» (տեսանյութ)
Հենց որ մենք բшխվենք ազգային անվտանգnւթյան uպառնալիքի, մենք պшտերազմ կսկսենք Հնդկաստանի հետ. Պակիստա...