Տոկիո-2020. Իզաբելլա Յայլյանի և Արթուր Բարսեղյանի արդյունքները
Տոկիոյում ընթացող 32-րդ ամառային Օլիմպիական խաղերում այսօր պայքարի են դուրս եկել ծանրորդ Իզաբելլա Յայլյանը և լողորդ Արթուր Բարսեղյանը:
Ծանրամարտի կանանց 59 կգ քաշային կարգում Իզաբելլա Յայլյանը երկամարտի 205 կգ արդյունքով (95 կգ + 110 կգ) զբաղեցրել է 7-րդ տեղը: Օլիմպիական խաղերում Հայաստանի ծանրամարտի հավաքականի մյուս ներկայացուցիչը՝ Սիմոն Մարտիրոսյանը (109 կգ), մրցահարթակ դուրս կգա օգոստոսի 3-ին:
Լողորդ Արթուր Բարսեղյանն այսօր հանդես է եկել 100 մետր ազատ ոճի որակավորման փուլում: Չորրորդ լողահերթում Բարսեղյանը 49.78 վայրկյան արդյունքով զբաղեցրել է երկրորդ տեղը, իսկ ընդհանուր պայքարում՝ 38-րդ: Որակավորման փուլի արգելքը հաղթահարում են 1-16-րդ տեղերը զբաղեցրած լողորդները: Հուլիսի 30-ին Արթուր Բարսեղյանը հանդես կգա արդեն 50 մետր ազատ ոճում, իսկ մինչ այդ՝ հուլիսի 28-ին, 100 մետր ազատ ոճում մրցելույթ կունենա Հայաստանի օլիմպիական հավաքականի մյուս լողորդը՝ Վարսենիկ Մանուչարյանը:
Հիշեցնենք, որ 32-րդ ամառային Օլիմպիական խաղերում Հայաստանն ունի 17 ներկայացուցիչ: Ավելի վաղ մարմնամարզիկ Արթուր Դավթյանը դուրս է եկել հենացատկի եզրափակիչ, բռնցքամարտիկ Հովհաննես Բաչկովը մեկ հաղթական մենամարտ է անցկացրել և պայքարը շարունակելու է 1/8 եզրափակչում: Հրաձիգ Էլմիրա Կարապետյանը 10 մ ատրճանակ մրցաձևում չի հաղթահարել որակավորման փուլը, իսկ ձյուդոիստ Ֆերդինանդ Կարապետյանը (73 կգ) և բռնցքամարտիկ Կորյուն Սողոմոնյանը (52 կգ) պարտություն են կրել մեկնարկում:
Հասարակական, քաղաքական գործիչներն ու իրավապաշտպանները՝ ընդդեմ «քաղաքական զտումների» նոր ալիքի. «Փաստ...
Անթույլատրելի է դատարկել սահմանամերձ գյուղերը՝ կեղծ կրթական նախագծերով. Ատոմ Մխիթարյան
Առիթմիա․ որո՞նք են առաջին ախտանշանները, ինչի՞ն ուշադրություն դարձնել, ովքե՞ր են ռիսկի խմբում
Դավիթ Ղազինյանի գործը ռեկորդային արագությամբ ուղարկել են դատարան, գիտեին՝ մանդատ վերցնելու օրն է
Խնդիրը լուծվեց․ ինչպես խոստացել էինք Կուրթանի, Գյուլագարակի, Գարգառի մեր աշխատասեր գյուղացիներին․ Նա...
Աշխարհաքաղաքական խժդժությունների մետաստազները. ի՞նչ է փնտրում Հայաստանը ուժեղների բախման արանքում. «...
Ինչո՞ւ են իշխանությունները թիրախավորել դատավորին. «Փաստ»
Մշտական տագնապի գերության մեջ. կրիմինալ «ռազբորկաներն» ու քաղաքական ձերբակալությունները խեղդում են հ...
Նարեկ Կարապետյանի հետ կապված միայն կարող է լինել քաղաքական հետապնդում, պատվեր ու վրեժխնդրություն
Իշխանությունների պատճառով մեր երկրում մարդիկ դարձել են շատ կոնֆլիկտային, իսկ կյանքը՝ լարված. Մենուա ...