Շոյգուն հայտարարություն տարածեց

Ռուսաստանը, Տաջիկստանն ու Ուզբեկստանը համալիր զորավարժություններ կանցկացնեն` Աֆղանստանից ամերիկյան զորքերի և ՆԱՏՕ-ի զորակազմի դուրս բերման ֆոնին: ՏԱՍՍ գործակալության փոխանցմամբ` այս մասին հայտարարել է ՌԴ պաշտպանության նախարար Սերգեյ Շոյգուն:

«Ընդհանուր առմամբ, եթե խոսենք մեր համագործակցության մասին, այն բավականին հաջող է զարգանում: Մենք համալիր զորավարժություններ ենք անցկացնում Տաջիկստանի հետ` կապված այն սպառնալիքների հետ, որոնք առաջանում են: Առջևում զորավարժություններ են ուզբեկ գործընկերների հետ, որին կհաջորդեն եռակողմ զորավարժությունները` Ռուսաստանի, Ուզբեկստանի և Տաջիկստանի մասնակցությամբ»,- այսօր ասել է Շոյգուն տաջիկ պաշտոնակից Շերալի Միրզոյի հետ հանդիպման ժամանակ:

Շոյգուի խոսքով` «բազմաթիվ տարատեսակ սպառնալիքներ և ռիսկեր են ստեղծվում»: «Այնուամենայնիվ, մենք պետք է ՀԱՊԿ և Շանհայի համագործակցության կազմակերպության շրջանակում ոչ միայն հարցեր քննարկենք, այլև համապատասխան որոշումներ կայացնենք և համապատասխան միջոցառումներ ձեռնարկենք Հավաքական անվտանգության մասին պայմանագրի երկրների սահմանների ու տարածքների անվտանգության ապահովման համար»,- ասել է նա:

ավելին